న్యూఢిల్లీ: యువ రెజ్లర్ రితికా ఫోగట్ (17) సూసైడ్ చేసుకుంది. స్టార్ రెజ్లర్లు గీతా ఫోగట్, బబితా ఫోగట్‌‌‌ల కజిన్ అయిన రితికా సోమవారం ఆత్మహత్యకు పాల్పడింది. రాజస్థాన్‌‌లోని భరత్‌పూర్‌లో జరిగిన ఓ రెజ్లింగ్ టోర్నమెంట్ ఫైనల్ బౌట్‌‌లో ఓడిన అనంతరం ఆమె ఆత్మహత్య చేసుకున్నట్లు తెలిసింది. కీలక మ్యాచ్‌లో ఓడిపోవడంతో కలత చెందిన రితికా.. రూమ్‌లో సీలింగ్ ఫ్యాన్‌కు ఉరి వేసుకుందని నేషనల్ మీడియా సమాచారం. ఈ ఘటనపై విచారణ కొనసాగిస్తున్నామని చర్ఖీ దాద్రి డీఎస్పీ రాంసింగ్ బిష్ణోయ్ తెలిపారు. జైపూర్‌కు చెందిన రితికా.. ద్రోణాచార్య అవార్డు గ్రహీత అయిన మహవీర్ సింగ్ ఫోగట్ వద్ద గత నాలుగేళ్లుగా రెజ్లింగ్‌‌లో శిక్షణ తీసుకుంటోంది. రితికా మృతిపై గీతా ఫోగట్, బబితా ఫోగట్‌‌లు బాధను వ్యక్తం చేశారు.
