Riyan Parag: హీరోయిన్ల హాట్ ఫోటోల కోసం ఆతృత.. అడ్డంగా బుక్కయిన భారత క్రికెటర్

ఐపీఎల్ లో తన బ్యాటింగ్ తో దుమ్మురేపిన రాజస్థాన్ రాయల్స్ యువ ఆటగాడు రియాన్ పరాగ్ ప్రపంచ క్రికెట్ దృష్టిని తనవైపుకు తిప్పుకున్నాడు. తన సూపర్ బ్యాటింగ్ కారణంగా వార్తల్లో నిలిచి భవిష్యత్తు టీమిండియా స్టార్ గా కితాబులందుకున్నాడు. నిలకడగా పరుగులు చేస్తూ టోర్నీలో 550 కి పైగా పరుగులు చేసిన పరాగ్ రాజస్థాన్ రాయల్స్ ప్లే ఆఫ్స్ చేరడంలో ప్రధాన పాత్ర పోషించాడు. ఒక్క సీజన్ లోనే స్టార్ గా మారినా పరాగ్ ప్రస్తుతం చిక్కుల్లో పడ్డాడు. అతని యూట్యూబ్ సెర్చ్ హిస్టరీలో అభ్యంతరకరమైన కంటెంట్‌ ఉండడం సోషల్ మీడియాలో వైరల్ అవుతోంది.

రియాన్ పరాగ్ లైవ్ స్ట్రీమింగ్ చేసే గేమింగ్ ఛానెల్‌ని నడుపుతున్న సంగతి తెలిసిందే. ఈ లైవ్ స్ట్రీమింగ్ సమయంలో.. పరాగ్ యూట్యూబ్‌లో కాపీరైట్ లేని సంగీతం కోసం వెతుకుతున్నాడు. అయితే బ్యాక్ గ్రౌండ్ స్క్రీన్ అతను "అనన్య పాండే హాట్, సారా అలీ ఖాన్ హాట్" వంటి కంటెంట్ కోసం వెతుకుతున్నట్లు చూపిస్తుంది. పరాగ్ త‌న సెర్చ్ హిస్ట‌రీని హైడ్ చేయ‌కపోవ‌డంతో అత‌డి ప‌ర్స‌న‌ల్ హిస్ట‌రీ కాస్త‌ సోషల్ మీడియాలో వైరల్ అవుతుంది. దీంతో నెటిజన్స్ ఈ యువ క్రికెటర్ పై తీవ్ర విమర్శలు గుప్పిస్తున్నారు.

ఏంటి బ్రో అని కొందరు ఎగతాళిగా కామెంట్ చేస్తుంటే.. నీకు ఇదేం పాడు బుద్ది అంటూ ప‌లువురు నెటిజ‌న్లు అత‌డిపై మండిప‌డుతున్నారు. ఈ హిస్టరీలో విరాట్ కోహ్లీ కోసం వెతుకుతున్నట్టు కనిపించింది. రియాన్ ప‌రాగ్ వివాదాల్లో చిక్కుకోవ‌డం ఇదే మొద‌టి సారి కాదు. ఇంత‌క‌ముందు కూడా సోష‌ల్ మీడియాలో పోస్టుల ద్వారా గ్రౌండ్ విచిత్ర చేష్టల స్వార వివాదాల్లో ఇరుక్కున్నాడు.