- సౌదీ వెళ్లొచ్చి పోలీసులకు చిక్కిన నిందితుడు
నిజామాబాద్, వెలుగు : రివాల్వర్, కత్తులు, తల్వార్లతో పట్టుబడిన కేసులో రెండు నెలల నుంచి పరారీలో ఉన్న రిజ్వాన్ పోలీసులకు చిక్కాడు. సౌదీ వెళ్లి సిటీకి తిరిగొచ్చిన అతడిని గురువారం అర్ధరాత్రి పెట్రోలింగ్ పోలీసులు గుర్తించి, అదుపులోకి తీసుకున్నారు. నవంబర్ 7న టాస్క్ఫోర్స్ పోలీసులు నిజాం కాలనీలోని ఒక రైస్ మిల్పై రైడ్ చేసి సుమారు 70 క్వింటాళ్ల పీడీఎస్రైస్తో పాటు ఒక చోట పిస్టల్, తల్వార్లు
కత్తులను స్వాధీనం చేసుకున్నారు. పీడీఎస్ రైస్ దందా నడపడానికి మీర్జా అంజాద్ బేగ్, రిజ్వాన్ ఆయుధాలు వాడుతున్నట్లు విచారణలో తేలింది. మీర్జా అంజాద్బేగ్ను అప్పుడే అరెస్ట్ చేయగా అతడి బిజినెస్ పార్టనర్ రిజ్వాన్ సౌదీ పరారీలో ఉన్నాడు. ఘటన తర్వాత రిజ్వాన్ పరారై సౌదీకి వెళ్లాడు. సౌదీ నుంచి తిరిగొచ్చి అనూహ్య రీతిలో అర్ధరాత్రి పెట్రోలింగ్పోలీసులకు చిక్కాడు. సిక్స్త్ టౌన్ ఎస్ఐ సందీప్ కేసును విచారిస్తున్నారు.
