ములుగు/ మహబూబాబాద్/ జనగామ అర్బన్/ ఎల్కతుర్తి/ వర్ధన్నపేట, వెలుగు: వడ్ల కొనుగోళ్లు, తరలింపును స్పీడప్చేయాలని ఉమ్మడి వరంగల్ జిల్లా ప్రత్యేకాధికారి, రిహాబిలిటేషన్ అండ్ రీ సెటిల్మెంట్ కమిషనర్ టి.వినయ్ కృష్ణారెడ్డి, మహబూబాబాద్, జనగామకలెక్టర్లు అద్వైత్కుమార్సింగ్, రిజ్వాన్బాషా షేక్అన్నారు. మంగళవారం వానకాలం సీజన్ ధాన్యం కొనుగోలుపై కృష్ణారెడ్డి ములుగు జిల్లా గోవిందరావుపేట మండలం చల్వాయి పీఏసీఎస్ పరిధిలో ఏర్పాటు చేసిన ధాన్యం కొనుగోలు కేంద్రాన్ని అడిషనల్కలెక్టర్ మహేందర్ జీతో కలిసి సందర్శించారు.
ఈ సందర్భంగా కొనుగోలు కేంద్రాల్లో ఏర్పాట్లపై ఆరా తీశారు. అనంతరం కలెక్టరేట్ లో కలెక్టర్ దివాకరతో సమావేశమై ధాన్యం కొనుగోలు కేంద్రాలు, అన్లోడ్ సమస్యలు, హమాలీలు, లారీల సమస్యల పై మాట్లాడారు. వరంగల్జిల్లా వర్ధన్నపేట మండలంలోని ఇల్లంద ఐకేపీ ధాన్యం కొనుగోలు కేంద్రాన్ని ఉమ్మడి వరంగల్ జిల్లా ప్రత్యేక అధికారి వినయ్ కృష్ణారెడ్డి పరిశీలించారు. మహబూబాబాద్జిల్లా మరిపెడ మండలం చిల్లంచెర్ల, రాంపూర్, దంతాలపల్లి, పెద్దముప్పారం, పెద్ద వంగరలో కలెక్టర్డీఆర్డీవో మధుసూదన్ రాజు, డీసీవో వెంకటేశ్వర్లు, డీఎస్వో ప్రేమ్ కుమార్ తో కలిసి ధాన్యం కొనుగోలు కేంద్రాలు, పెద్ద వంగర అంగన్ వాడీ కేంద్రాలను తనిఖీ చేశారు.
ఈ సందర్భంగా ఆయన మాట్లాడుతూ జిల్లాలో 226 కొనుగోలు కేంద్రాలు కొనసాగుతున్నాయని, కేంద్రాల్లో రైతులకు ఇబ్బందులు కలుగకుండా అన్ని వసతులు ఏర్పాటు చేయాలన్నారు. జనగామ కలెక్టరేల్లో ఐకేపీ, పీఏసీఎస్నిర్వాహకులు, అధికారులతో కలెక్టర్రిజ్వాన్బాషా షేక్ అడిషనల్ కలెక్టర్ రోహిత్ సింగ్, ఆర్డీవోలు, డీఎస్, ఇతర అధికారులతో కలిసి జూమ్మీటింగ్నిర్వహించారు. కొనుగోలు సెంటర్లను క్షేత్రస్థాయిలో పర్యవేక్షించాలన్నారు. ఓపీఎంఎస్ ఎంట్రీ చేయడంలో అవగాహన కల్పించాలని సూచించారు. హనుమకొండ జిల్లా ఎల్కతుర్తి మార్కెట్యార్డులో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని అడిషనల్కలెక్టర్వెంకట్రెడ్డి డీఆర్డీవో నాగపద్మజ, డీఎస్వో కొమురయ్య, డీబీఎం ప్రకాశ్ కలిసి సందర్శించారు. జిల్లాలో 154 కొనుగోలు కేంద్రాలను ఏర్పాటు చేశామన్నారు.
