ఐసీసీ ఛాంపియన్స్ ట్రోఫీ 2025కి పాకిస్థాన్ జట్టును ఆ దేశ క్రికెట్ బోర్డు(పీసీబీ) ప్రకటించింది. మహమ్మద్ రిజ్వాన్ నాయకత్వంలో 15 మంది సభ్యులతో కూడిన బలమైన జట్టును ఎంపిక చేసింది. టోర్నీ సొంతగడ్డపై జరుగుతుండటంతో పలు జాగ్రత్తలు తీసుకుంటూ.. ఫామ్‌లో లేని వారిని తప్పిస్తూ.. భారీ మార్పులు చేర్పులు చేసింది.
గాయం కారణంగా ఓపెనర్ సైమ్ ఆయుబ్ దూరమవ్వగా.. ఫామ్‌లో లేని అబ్దుల్లా షఫీక్, ముహమ్మద్ ఇర్ఫాన్, సుఫియాన్ ముఖీమ్‌లపై పీసీబీ వేటు వేసింది. వీరి స్థానాల్లో సీనియర్ ఆటగాళ్లు స్థానాల్లో ఫఖర్ జమాన్, ఫహీమ్ అష్రఫ్, ఖుషిదిల్ షా, సౌద్ షకీల్ జట్టులోకి వచ్చారు. పాక్ బౌలింగ్ లైనప్ పటిష్టంగా కనిపిస్తోంది. హ్యారీస్ రౌఫ్, మహమ్మద్ హస్‌నైన్, నసీమ్ షా, షాహిన్ షా అఫ్రిది రూపంలో నలుగురు నాణ్యమైన పేసర్లు జట్టులో ఉన్నారు.
Also Read :- పాండ్యా అంటే ఫ్లవర్ అనుకుంటిరా.. ఫైరూ
ఛాంపియన్స్ ట్రోఫీకి ముందు పాకిస్థాన్, న్యూజిలాండ్, సౌతాఫ్రికా జట్ల మధ్య జరగనున్న ట్రై సిరీస్‌లో దాయాది దేశం ఇదే జట్టుతో బరిలోకి దిగనుంది. ట్రై సిరీస్ ఫిబ్రవరి 8 నుంచి ప్రారంభం కానుంది.
ఇక ఛాంపియన్స్ ట్రోఫీ విషయానికొస్తే.. టోర్నీ ఫిబ్రవరి 19 నుంచి షురూ కానుంది. భారత్ మ్యాచ్‌లు దుబాయ్‌లో జరగనుండగా.. మిగిలిన మ్యాచ్‌లకు పాకిస్థాన్ ఆతిథ్యమివ్వనుంది. కరాచీ, లాహోర్, రావల్పిండి.. వేదికలు.
ఛాంపియన్స్ ట్రోఫీకి పాకిస్థాన్ జట్టు:
మహమ్మద్ రిజ్వాన్(కెప్టెన్), బాబర్ ఆజామ్, ఫఖర్ జమాన్, కమ్రాన్ గులామ్, సౌద్ షకీల్, టయ్యబ్ తాహిర్, ఫహీమ్ అష్రఫ్, కుష్‌దిల్ షా, సల్మాన్ అఘా(వైస్ కెప్టెన్), ఉస్మాన్ ఖాన్, అబ్రర్ అహ్మద్, షాహిన్ షా అఫ్రిది, హ్యారీస్ రౌఫ్, మహమ్మద్ హస్‌నైన్, నసీమ్ షా.
Pakistan name ICC Champions Trophy 2025 squad
— PCB Media (@TheRealPCBMedia) January 31, 2025
Details here ➡️ https://t.co/XfswdRVWrO #WeHaveWeWill | #ChampionsTrophy pic.twitter.com/kGA9hJr4dV
