ఏడుగురు టెన్త్ స్టూడెంట్స్ను బయటికి పంపిన ప్రిన్సిపాల్
కూసుమంచి, వెలుగు : ఖమ్మం జిల్లా కూసుమంచి మండలంలో నాయకన్గూడెం గ్రామంలోని మహాత్మా జ్యోతి రావు పూలే బాలుర గురుకుల పాఠశాలలో ఆర్వో ప్లాంట్, సీసీ కెమెరాలు ధ్వంసమయ్యాయి. దీనికి ఏడుగురు టెన్త్ క్లాస్ స్టూడెంట్స్ కారణమని గుర్తించి వారిని ఇంటికి పంపించారు. స్కూల్ ఇన్చార్జ్ ప్రిన్సిపాల్ మున్వర్ తెలిపిన వివరాల ప్రకారం.. ఆదివారం రాత్రి స్కూల్లోని ఆర్వో ప్లాంట్, సీసీ కెమెరాలు ధ్వంసమయ్యాయి.
దీనిపై విచారణ చేపట్టి పదో తరగతి చదువుతున్న ఏడుగురు విద్యార్థులు దీనికి కారణంగా తేల్చారు. వారు సిమెంట్ మూతలతో ఆర్వో ప్లాంట్, సీసీ కెమెరాలను కొట్టి ధ్వంసం చేసినట్లు గుర్తించారు. స్టూడెంట్స్ తల్లిదండ్రులను పిలిపించి మాట్లాడారు. ఎస్ఎస్సీ ఎగ్జామ్ రాస్తున్నవారికి ఉన్నతాధికారులు ఆదేశాల మేరకు సోమవారం హాల్ టిక్కెట్లు ఇచ్చి వారి స్వగృహాలకు పంపించారు.
