రంగారెడ్డి జిల్లాలో విషాద ఘటన జరిగింది. పొట్టనింపుకునేందుకు పక్క రాష్ట్రం నుంచి వలస వచ్చి.. తిరిగిరాని లోకాలకు వెళ్లారు. కొత్తూరు పోలీస్ స్టేషన్ పరిధిలో.. తిమ్మాపూర్ హుక్స్ కంపెనీ దగ్గర కూలీలతో వెళ్తున్న ట్రాక్టరు అదుపుతప్పి బోల్తా పడింది. ఈ ఘటనలో ఓ చిన్నారితో పాటు మహిళా కూలి మృతి చెందింది. ప్రత్యక్ష సాక్షులు తెలిపిన వివరాల ప్రకారం...
రెడ్డిపాలెంలో పత్తి తీసేందకుదు కర్నూలు నుంచి ట్రైన్ లో శనివారం ( నవంబర్ 30) రాత్రి తిమ్మాపూర్ రైల్వేస్టేషనుకు వచ్చారు. వీరిని రెడ్డిపాలెం గ్రామానికి ట్రాక్టరులో తరలిస్తుండగా.. తిమ్మాపూర్ హుక్స్ కంపెనీ దగ్గర అదుపు తప్పి ట్రాక్టర్ బోల్తా పడింది. ఈ ప్రమాదంలో ఒక మహిళా కూలి మృతి చెందగా.. మరో చిన్నారి మృతి చెందింది. ఇంకా ఈ ఘటనలో మరో ఇద్దరు మహిళా కూలీలు .. ఉరవకొండమ్మ,వెంకటేశ్వరమ్మ లు గాయపడ్డారు. గాయపడిన వారిని ఆస్పత్రికి తరలించారు. కొత్తూరు పోలీసులు కేసు నమోదు చేసి దర్యాప్తు చేస్తున్నారు.
