శామీర్ పేట, వెలుగు: మేడ్చల్ జిల్లా జగ్గంపేట గ్రామం బొమ్మరాశిపేట రహదారిలో కల్వర్టుపై ఓ కారు బోల్తా పడగా.. నలుగురికి గాయాలయ్యాయి. శామీర్ పేట ఎస్‌‌‌‌‌‌‌‌‌‌‌‌‌‌‌‌ఐ పరుశురాం తెలిపిన వివరాల ప్రకారం.. సిద్ధిపేట జిల్లా, మర్కూక్ మండలం కరకపట్ల గ్రామ పరిధిలోని ఫార్మా సంస్థ నుంచి కొంపల్లికి చెందిన భరత్(35), లక్ష్మాపూర్ గ్రామానికి చెందిన ప్రసాద్(29) కరుణాకర్ (25) సంపన్ బోల్ గ్రామానికి చెందిన వెంకటేశ్ (32) నలుగురు మిత్రులు కారులో బయలుదేరారు.
శామీర్ పేట పెద్ద చెరువు వాగుపై ఉన్న కల్వర్టు వద్దకు రాగానే కారు అదుపు తప్పి కిందకు పల్టీ కొట్టింది. కారులో ప్రయాణిస్తున్న నలుగురికి గాయాలు కాగా.. చికిత్స నిమిత్తం స్థానిక ఆర్వీఎం ఆసుపత్రికి తరలించారు. శామీర్ పేట పోలీసులు కేసు దర్యాప్తు చేస్తున్నారు.
