మెహిదీపట్నం, వెలుగు: గోల్కొండ పోలీస్ స్టేషన్ పరిధిలో మంగళవారం జరిగిన ప్రమాదంలో బీటెక్ విద్యార్థులకు గాయాలయ్యాయి. ఇన్స్పెక్టర్ సైదులు తెలిపిన వివరాల ప్రకారం... మంగళవారం ఉదయం తొమ్మిదిన్నరకు లంగర్ హౌస్ నుంచి ఇబ్రహీం బాగ్ లోని వాసవి కాలేజీకి ఓ ఆటోలో బీటెక్ విద్యార్థులు వెళ్తున్నారు. ఈ క్రమంలో ఆర్టీలరీ సెంటర్ గేట్ 2 వద్దకు చేరుకోగానే ఆటో, ముందు వెళ్తున్న టాటా ఏస్ ను ఢీకొని బోల్తా పడింది. ఈ ప్రమాదంలో ఆటో డ్రైవర్ మల్లేశ్తో పాటు స్టూడెంట్లు కార్తీక్, వివేక్, సాయి తరుణ్ రెడ్డి, స్వరాజ్, సాత్విక్, హరికృష్ణ గాయపడ్డారు. గోల్కొండ పోలీసులు ఘటనా స్థలానికి చేరుకొని గాయపడిన వారిని ఆసుపత్రికి తరలించారు. ఈ మేరకు కేసు నమోదు చేసుకొని దర్యాప్తు చేస్తున్నట్లు ఇన్స్పెక్టర్ సైదులు తెలిపారు.
