- కాలేజీకి వెళ్తుండగా యాక్సిడెంట్
- బైక్ను అక్కడే వదిలేసి పరారైన నిందితుడు
ఎల్బీనగర్, వెలుగు: సరూర్ నగర్లో కాలేజీ స్టూడెంట్ను బుల్లెట్ బైక్ ఢీకొనడంతో అక్కడికక్కడే మృతి చెందింది. నాగర్ కర్నూల్ జిల్లాకు చెందిన గుబ్బల రాకేశ్ తన కుటుంబంతో కలిసి కర్మాన్ ఘాట్లోని మారుతినగర్లో నివాసం ఉంటున్నాడు. ఆయన చిన్నకూతురు త్రిష (20) నాదర్గుల్ ఎంవీఎస్ఆర్ కాలేజీలో పాలిటెక్నిక్ థర్డ్ ఇయర్ చదువుతోంది. రోజూ మాదిరిగానే బుధవారం ఉదయం కాలేజీకి బయలుదేరింది.
మందమల్లమ్మ చౌరస్తా వద్ద రోడ్డు దాటుతుండగా, అతివేగంగా బుల్లెట్పై దూసుకొచ్చిన ఓ యువకుడు ఆమెను ఢీ కొట్టాడు. అదే రూట్ లో వస్తున్న కారు కూడా ఆమెను స్వల్పంగా ఢీ కొనడంతో స్పాట్లోనే మృతి చెందింది. సమాచారం అందుకున్న సరూర్ నగర్ పోలీసులు సంఘటనా స్థలాన్ని పరిశీలించారు. విద్యార్థిని తండ్రి రాకేశ్ ఇచ్చిన ఫిర్యాదుతో కేసు నమోదు చేసి దర్యాప్తు చేస్తున్నట్లు సీఐ సైదిరెడ్డి తెలిపారు. ప్రమాద దృశ్యాలు సీసీ కెమెరాలో రికార్డ్ అయ్యాయని, ర్యాష్ డ్రైవింగ్కు పాల్పడిన యువకుడు బైక్ను అక్కడే వదిలేసి పరారయ్యాడని చెప్పారు.
