- మహబూబాబాద్ జిల్లా అయ్యగారిపల్లి వద్ద ప్రమాదం
- మృతులు సూదనపల్లికి చెందిన వారు
కురవి, వెలుగు : ఆగి ఉన్న టిప్పర్‌‌‌‌ను బైక్‌ ఢీకొట్టడంతో ఇద్దరు యువకులు చనిపోయారు. ఈ ప్రమాదం మహబూబాబాద్ జిల్లా కురవి మండలం అయ్యగారిపల్లి వద్ద బుధవారం అర్ధరాత్రి జరిగింది. కురవి ఎస్సై సతీశ్‌ తెలిపిన వివరాల ప్రకారం.. సీరోలు మండలం సూదనపల్లి గ్రామానికి చెందిన వల్లపు వెంకన్న, పిచ్చమ్మ కుమారుడు కుమారస్వామి (18), వెంపటి మహేశ్వరి బాబు కుమారుడు విశాల్ (22) మహబూబాబాద్ పట్టణంలోని ఓ సినిమా థియేటర్‌‌‌‌లో పనిచేస్తున్నారు. బుధవారం రాత్రి తమ పని ముగించుకొని బైక్‌‌‌‌పై మహబూబాబాద్ నుంచి సూదనపల్లికి వెళ్తున్నారు. ఈ క్రమంలో అయ్యగారిపల్లి వద్దకు రాగానే ఆగి ఉన్న టిప్పర్‌‌‌‌ను ఢీకొట్టారు. దీంతో ఇద్దరు అక్కడికక్కడే చనిపోయారు. మృతుల కుటుంబ సభ్యుల ఫిర్యాదుతో పోలీసులు కేసు నమోదు చేశారు. మృతుల కుటుంబ సభ్యులను మాజీమంత్రి సత్యవతి రాథోడ్, డోర్నకల్ మాజీ ఎమ్మెల్యే డీఎస్ రెడ్యానాయక్‌
పరామర్శించారు
