సూర్యాపేట జిల్లా జాతీయ రహదారిపై మునగాల ముద్దుల చెరువు వద్ద రోడ్డు ప్రమాదం చోటు చేసుకుంది. విజయవాడ నుంచి హైదరాబాద్ వైపు వెళ్తున్న మోజో ప్రైవేట్ ట్రావెల్ బస్సు కంటైనర్ ను ఢీకొట్టడంతో ప్రమాదం జరిగింది. ఈ ప్రమాదంలో బస్సు క్యాబిన్లో డ్రైవర్ ఇరుక్కుపోవడంతో డ్రైవర్ కు తీవ్ర గాయాలయ్యాయి.
సమాచారం తెలుసుకున్న పోలీసులు ఘటనా స్థలానికి చేరుకుని పరిశీలించారు. సుమారు గంటపాటు శ్రమించి డ్రైవర్ను బయటకు తీశారు పోలీసులు. ప్రమాద సమయంలో బస్సులో 40 మంది ప్రయాణికులు ఉన్నారు. బస్సులో ఉన్న ప్రయాణికులను అద్దాలను పగలగొట్టి ఒక్కొక్కరిని కిందకు దించారు స్థానికులు.
