- మాధవరం వద్ద పాదచారులపైకి దూసుకెళ్లిన కారు
- మహిళ మృతి, నలుగురికి తీవ్ర గాయాలు
మునగాల, వెలుగు : సూర్యాపేట జిల్లా మునగాల మండలం మాధవరం వద్ద 65వ నంబర్ జాతీయ రహదారిపై పాదాచారుల పైకి కారు దూసుకెళ్లింది. ఈ ప్రమాదంలో ఒక మహిళ చనిపోగా, మరో నలుగురు రైతులకు తీవ్ర గాయాలయ్యాయి. స్థానికులు తెలిపిన వివరాల ప్రకారం.. హైదరాబాద్ నుంచి విజయవాడ వైపు వెళ్తున్న కారు మాధవరం వద్దకు రాగానే అదుపుతప్పి ముందు వెళ్తున్న బైక్ను ఢీకొట్టి పాదాచారులపైకి దూసుకెళ్లింది.
మాధవరం గ్రామానికి చెందిన రైతులు పొలానికి పురుగు మందు కొట్టేందుకు వెళ్తుండగా ప్రమాదం చోటు చేసుకుంది. ఈ ప్రమాదంలో నేను పిచ్చమ్మ(40) చనిపోయింది. ప్రమాదానికి కారు డ్రైవర్ నిద్ర మత్తే కారణమని స్థానికులు తెలిపారు. విషయం తెలుసుకున్న పోలీసులు అక్కడకు చేరుకొని క్షతగాత్రులను చికిత్స కోసం సూర్యాపేట ప్రభుత్వ ఆసుపత్రికి తరలించారు.
