- బయోడైవర్సిటీ ఫ్లైఓవర్ పైనుంచి పడి వ్యక్తి మృతి
గచ్చిబౌలి, వెలుగు : హైదరాబాద్ రాయదుర్గంలో రోడ్డు ప్రమాదం జరిగింది. టిఫిన్ అమ్ముకునేందుకు బయోడైవర్సిటీ ఫ్లైఓవర్ మీదుగా టీవీఎస్ఎక్స్ఎల్పై వెళ్తున్న ఓ వ్యక్తిని గుర్తుతెలియని వాహనం ఢీకొట్టింది. దాంతో ఆ వ్యక్తి ఫ్లైఓవర్ మీది నుంచి ఎగిరి కింద పడి అక్కడికక్కడే ప్రాణాలు కోల్పోయాడు. కాకినాడకు చెందిన సుబ్బారావు(38) భార్య, ఇద్దరు కుమారులతో కలిసి రాయదుర్గం హుస్సేన్షావాల్లో నివసిస్తున్నాడు.
టీవీఎస్ఎక్స్ఎల్పై టిఫిన్స్ అమ్ముతూ జీవనం సాగిస్తున్నాడు.ఈ క్రమంలో సోమవారం వేకువజామున తన బైక్పై టిఫిన్స్ తీసుకొని ఇంట్లో నుంచి బయలుదేరాడు. గచ్చిబౌలి బయోడైవర్సిటీ ఫ్లైఓవర్ మీదుగా ఐకియా వైపు వెళ్తుండగా ..నిస్సాన్ షోరూం వద్దకు రాగానే వెనుక నుంచి దూసుకువచ్చిన గుర్తు తెలియని వాహనం సుబ్బారావు బైకును ఢీకొట్టి వెళ్లిపోయింది. దాంతో సుబ్బారావు దాదాపు 10 మీటర్ల ఎత్తు ఉన్న ఫ్లైఓవర్ పైనుంచి రోడ్డుపై పడ్డాడు. తీవ్ర రక్తస్రావం అవ్వడంతో స్పాట్లోనే మృతి చెందాడు. ఈ ప్రమాదంపై రాయదుర్గం పోలీసులు కేసు నమోదు చేసుకొని దర్యాప్తు చేపట్టారు. ప్రమాదానికి కారణమైన వాహనం కోసం సీసీ ఫుటేజీలను పరిశీలిస్తున్నారు.
