Rohit Sharma: సచిన్‌, గంగూలీలను దాటేశాడు.. 11వేల క్లబ్‌లో రో‘హిట్‌’

టీమిండియా కెప్టెన్‌ రోహిత్‌ శర్మ అరుదైన ఘనత సాధించాడు. వన్డేల్లో 11వేల పరుగులు పూర్తి చేసుకున్నాడు. ఛాంపియన్స్ ట్రోఫీలో భాగంగా బంగ్లాదేశ్‌తో జరిగిన మ్యాచ్‌లో హిట్‌మ్యాన్ ఈ ఘనత సాధించాడు. కోహ్లీ తరువాత వన్డేల్లో వేగంగా 11వేల పరుగుల మార్క్ చేరుకున్న రెండవ ఆటగాడిగా రోహిత్ రికార్డుల్లోకెక్కాడు.

ఈ జాబితాలో రన్ మెషిన్ విరాట్‌ కోహ్లీ అగ్రస్థానంలో ఉన్నాడు. విరాట్‌ 222 ఇన్నింగ్స్‌లలో ఈ ఘనత సాధించాడు. రోహిత్‌ 261 వన్డేల్లో 11వేల మైలురాయిని చేరుకోగా.. సచిన్ 276 ఇన్నింగ్స్‌లలో 11వేల క్లబ్‌లో ఎంటరయ్యారు.

సచిన్, విరాట్, గంగూలీ తర్వాత వన్డే ఫార్మాట్‌లో 11,వేల పరుగులు పూర్తి చేసిన నాలగవ భారతీయుడు.. రోహిత్.