టీ20 ప్రపంచ కప్ లో టీమిండియా ఓపెనర్లు ఎవరనే ప్రశ్నపెద్ద సవాలుగా మారింది. ఒక ఓపెనర్ గా రోహిత్ కన్ఫర్మ్ కాగా.. మరో ఓపెనర్ ఎవరనే సస్పెన్స్ కొనసాగుతూనే ఉంది. యువ ఆటగాళ్లు సంజు శాంసన్, యశస్వి జైస్వాల్ లలో ఎవరు హిట్ మ్యాన్ కు ఓపెనింగ్ పార్ట్ నర్ అనే విషయం అర్ధం కావట్లేదు. అయితే వీరందరిని కాదని స్టార్ బ్యాటర్ విరాట్ కోహ్లీ ఓపెనింగ్ చేసే అవకాశాలు లేకపోలేదు. ఐపీఎల్ లో ఓపెనర్ గా అదరగొట్టిన కోహ్లీ.. టీ20 వరల్డ్ కప్ లో ఇన్నింగ్స్ ఓపెన్ చేయొచ్చు చేసే అవకాశాలు పుష్కలంగా కనిపిస్తున్నాయి.
టీ20 వరల్డ్ కప్ వామప్‌ మ్యాచ్‌‌లో భాగంగా ఇండియా బ్యాటింగ్‌‌లో అదరగొట్టింది. రిషబ్‌ పంత్‌ (53) ధనాధన్‌ బ్యాటింగ్‌‌కు హార్దిక్‌ పాండ్యా (40 నాటౌట్‌) అండగా నిలవడంతో.. శనివారం జరిగిన మ్యాచ్‌‌లో ఇండియా 60 రన్స్‌ తేడాతో బంగ్లాదేశ్‌‌పై నెగ్గింది. ఈ మ్యాచ్ లో కోహ్లీ రెస్ట్ తీసుకోగా.. ఆశ్చర్యకరంగా జైస్వాల్ ఈ మ్యాచ్ లో బరిలోకి దిగలేదు. జైస్వాల్ మినహాయిస్తే ఈ మ్యాచ్ లో ప్రతి ఒక్కరు బ్యాటింగ్ చేశారు. దీంతో వరల్డ్ కప్ లో జైశ్వాల్ ను పక్కన పెడుతున్నట్టుగా అర్ధమవుతుంది. అదే జరిగితే రోహిత్ కి ఓపెనర్ గా విరాట్ కోహ్లీ బరిలోకి దిగడం ఖాయంగా కనిపిస్తుంది.
కొంతకాలం నుంచి టీ20 వరల్డ్ కప్ లో విరాట్ కోహ్లీ ఓపెనర్ గా బరిలోకి దిగుతాడని ప్రచారం సాగింది. ఐపీఎల్ లో కోహ్లీ అదరగొట్టడంతో వరల్డ్ కప్ లో ఓపెనింగ్ కన్ఫర్మ్ అంటున్నారు ఎక్స్ పర్ట్స్. ఇప్పటివరకు కోహ్లీ ఒకటి రెండు మ్యాచ్ లు మినహాయిస్తే అంతర్జాతీయ టీ20ల్లో బ్యాటింగ్ చేయలేదు. దీంతో రోహిత్ కు జోడీగా లెఫ్ట్ హ్యాండర్ యశస్వి జైస్వాల్ బరిలోకి దిగే అవకాశముందని మరికొందరు భావిస్తున్నారు.
