- 30 కోట్ల ఫాలోవర్లతో రికార్డు
న్యూఢిల్లీ: ఎప్పుడూ ఫుట్బాల్ గ్రౌండ్లో సంచలనాలు సృష్టించే పోర్చుగల్ సాకర్ సూపర్ స్టార్ క్రిస్టియానో రొనాల్డో.. సోషల్ మీడియాలోనూ రికార్డులు బద్దలు కొడుతున్నాడు. ప్రముఖ సోషల్ మీడియా ప్లాట్ఫామ్ ఇన్స్టాగ్రామ్లో 30 కోట్ల (300 మిలియన్స్) మంది ఫాలోవర్లు కలిగిన ప్రపంచంలోనే తొలి వ్యక్తిగా రొనాల్డో నిలిచాడు. ఈ సాకర్ స్టార్ శుక్రవారం ఈ ఫీట్ సాధించాడు. ఇన్స్టాగ్రామ్లో 200 మిలియన్ ఫాలోయర్స్ మార్కు అందుకున్న తొలి వ్యక్తి కూడా రొనాల్డోనే కావడం విశేషం. రెజ్లర్ నుంచి హాలివుడ్ యాక్టర్గా మారిన డ్వేన్ జాన్సన్( ద రాక్) 246 మిలియన్ ఫాలోవర్స్తో రొనాల్డో తర్వాతి స్థానంలో ఉన్నాడు. ఇక, టీమిండియా కెప్టెన్ విరాట్ కోహ్లీని ఇన్స్టాగ్రామ్లో 128 మిలియన్ల మంది ఫాలో అవుతున్నారు.
