రెండుసార్లు(2012, 2016) పొట్టి ప్రపంచ కప్ విజేత వెస్టిండీస్ రాబోయే టీ20 ప్రపంచ కప్ 2024 కోసం తమ జట్టును ప్రకటించింది. రోవ్‌మన్ పావెల్ నాయకత్వంలో 15 మంది సభ్యులతో కూడిన బలమైన జట్టును ప్రకటించింది. ఆస్ట్రేలియాతో జరిగిన టీ20 సిరీస్‌లో భాగం కాని షిమ్రాన్ హెట్మెయర్ తిరిగి జట్టులో చోటు దక్కించుకోగా.. ఆసీస్ పర్యటనలో ఒంటి చేత్తో జట్టుకు విజయాన్ని అందించిన యువ షమర్ జోసెఫ్‌ను అదృష్టం వరించింది.
నికోలస్ పూరన్, ఆండ్రీ రస్సెల్, షెర్ఫాన్ రోథర్‌ఫోర్డ్, రోవ్‌మన్ పావెల్, షిమ్రాన్ హెట్మెయర్, షాయ్ హోప్, రొమారియో షెఫర్డ్.. ఇలా ఆరేడుగురు మ్యాచ్ విన్నర్లు జట్టులో ఉన్నారు. వీరిని కట్టడిచేయడం.. ప్రత్యర్థి జట్లకు కాస్త శ్రమతో కూడుకున్నదే. జూన్ 1 నుండి జూన్ 29 వరకు పూర్తి ప్రపంచ కప్ కు వెస్టిండీస్ సహ-హోస్ట్‌గా వ్యవహరిస్తోంది.
టీ20 ప్రపంచ కప్ 2024 కోసం వెస్టిండీస్ జట్టు:
రోవ్‌మన్ పావెల్ (కెప్టెన్), అల్జారీ జోసెఫ్ (వైస్ కెప్టెన్), జాన్సన్ చార్లెస్, రోస్టన్ చేజ్, షిమ్రాన్ హెట్మెయర్, జాసన్ హోల్డర్ , షాయ్ హోప్, అకేల్ హోసేన్, షమర్ జోసెఫ్, బ్రాండన్ కింగ్, గుడాకేష్ మోటీ, నికోలస్ పూరన్, ఆండ్రీ రస్సెల్, షెర్ఫాన్ రోథర్‌ఫోర్డ్, రొమారియో షెఫర్డ్.
Your #MenInMaroon for the 2024 Men’s T20 World Cup! 🌴🏆#WIREADY | #T20WC pic.twitter.com/uyS1zoDZeg
— Windies Cricket (@windiescricket) May 3, 2024
