ఇంగ్లండ్ దేశవాళీ టోర్నీ రాయల్ లండన్ వన్డే కప్-2023లో హ్యాంప్షైర్ జట్టు ఫైనల్ చేరింది. గురువారం వార్విక్షైర్‌తో జరిగిన తొలి సెమీస్‌లో.. హ్యాంప్షైర్ ఏకంగా 9 వికెట్ల తేడాతో ఘన విజయం సాధించింది. ఈ మ్యాచ్‌లో హ్యాంప్షైర్ స్పిన్నర్ లియామ్ డాసన్ మాయాజాలాన్ని ప్రదర్శించాడు. ఒక్క పరుగు ఇవ్వకుండానే 5 వికెట్లు తీయడంతో పాటు.. మొత్తంగా 7 వికెట్లు పడగొట్టాడు.
డాసన్ మాయాజాలం
ఈ మ్యాచ్‌లో టాస్ ఓడి బ్యాటింగ్‌‌కు దిగిన వార్విక్షైర్.. డాసన్ మాయాజాలం దెబ్బకు 25.5 ఓవర్లలో 93 పరుగులకే ఆలౌట్ అయ్యింది. మొత్తంగా 6.5 ఓవర్లు బౌలింగ్ చేసిన డాసన్.. కేవలం 15 పరుగులు మాత్రమే ఇచ్చి 7 వికెట్లు పడగొట్టాడు. తొలి 10 బంతుల్లో పరుగులేమీ ఇవ్వకుండా 5 వికెట్లు పడగొట్టిన అతను.. ఆ తరువాత మరో రెండు వికెట్లు పడగొట్టాడు. డాసన్ స్పిన్ మాయాజాలాన్ని వార్విక్షైర్ బ్యాటర్లు ఏ రకంగాను ఎదొర్కొలేకపోయారు. బంతి వికెట్లను వెళ్లకుండా అడ్డుపడడానికే వారికి సమయం సరిపోయింది.
7 FOR 15!
— The Cricketer (@TheCricketerMag) August 29, 2023
Outstanding from Liam Dawson ?pic.twitter.com/vVqMrDrmf9
అనంతరం 94 పరుగుల లక్ష్యాన్ని హ్యాంప్షైర్ బ్యాటర్లు ఆడుతూపాడుతూ ఛేదించారు. ఓపెనర్‌ ఫ్లెచా మిడిల్టన్‌ (54 నాటౌట్) అర్ధసెంచరీతో రాణించగా.. టామ్‌ ప్రైస్ 31 పరుగులతో నాటౌట్ గా నిలిచాడు. హ్యాంప్షైర్.. ఒక్క వికెట్ మాత్రమే కోల్పోయి 19.1 ఓవర్లలోనే లక్ష్యాన్ని చేధించింది.
33 లియామ్ ఏళ్ల డాసన్ ఇంగ్లండ్ జట్టు తరఫున 3 టెస్ట్‌లు, 6 వన్డేలు, 11 టీ20లు ఆడారు.
