హైదరాబాద్ సిటీలో మరోసారి భారీ ఎత్తున డబ్బు పట్టుబడింది. అక్టోబర్ 30వ తేదీ మధ్యాహ్నం.. కుత్బుల్లాపూర్ నియోజకవర్గం పరిధిలోని దుండిగల్ పోలీస్ స్టేషన్ ఏరియాలో పోలీసులు తనిఖీలు చేస్తున్నారు. సరిగ్గా గండి మైసమ్మ చౌరస్తా దగ్గర వాహనాలు చెక్ చేస్తుండగా.. ఓ బైక్ పై బ్యాగ్ తో వెళుతున్న వ్యక్తిని తనిఖీ చేశారు స్పెషల్ టాస్క్ ఫోర్స్ టీం అధికారులు.
Also Read :- 60 ఏళ్ల చరిత్రకు ముగింపు
ఆ బ్యాగ్ లో 17 లక్షల 40 వేల రూపాయలు ఉన్నట్లు గుర్తించారు. డబ్బుకు సరైన పత్రాలు చూపించకపోవటంతో.. ఆ డబ్బు మొత్తాన్ని ఎన్నికల అధికారులకు అప్పగించారు పోలీసులు. పట్టుబడిన డబ్బు అంతా.. వంద, 200 వందలు.. 500 రూపాయల నోట్లుగా ఉంది. ఈ డబ్బు వ్యక్తిగత అవసరాలు, వ్యాపారం కోసం తీసుకెళుతున్నట్లు బైక్ పై వ్యక్తి చెబుతుండగా.. సరైన కాగితాలు చూపించకపోవటంతో సీజ్ చేసినట్లు వెల్లడించారు పోలీసులు. ఎన్నికల అధికారుల దగ్గర డబ్బుకు సంబంధించిన ఫ్రూప్స్ చూపించి.. తీసుకోవాలంటున్నారు పోలీసులు.
