కూసుమంచి, వెలుగు: ఖమ్మం జిల్లా కూసుమంచిలో ఉన్న కాకతీయుల కాలం నాటి పురాతన శివాలయం అభివృద్ధికి రూ.3.30 కోట్లు మంజూరయ్యాయి. పాలేరు నుంచి ప్రాతినిధ్యం వహిస్తున్న మంత్రి పొంగులేటి శ్రీనివాసరెడ్డి చొరవతో ఇటీవల ఎస్డీఎఫ్ నిధులు మంజూరు చేస్తూ ప్రభుత్వం జీవో జారీ చేసింది. ఈ నిధులతో సుభద్ర మండపం కోసం రూ.1.25 కోట్లు, ప్రాకారం వాల్ కోసం రూ. 1.41కోట్లు, కళ్యాణ మండపం కోసం రూ. 25 లక్షలు, ఆఫీస్ రూమ్, స్టోర్ రూమ్ కోసం రూ.15.50 లక్షలు, కిచెన్ కోసం రూ.8.50 లక్షలు, దేవాలయం ముందు భాగంలో ఆర్చి గేట్ కోసం రూ.14.50 లక్షలు ఖర్చు చేయనున్నారు. త్వరలోనే కలెక్టర్ ఆధ్వర్యంలో టెండర్లు పిలిచి పనులు చేపట్టనున్నట్టు ఆలయ ఈవో తెలిపారు. దీనిపట్ల కూసుమంచి ప్రజలు హర్షం వ్యక్తం చేస్తున్నారు.
