కేంద్రం తరఫున సాయం.. చెక్కును అందజేసిన సింగరేణి డైరెక్టర్
గోదావరిఖని, వెలుగు: గోదావరిఖని సింగరేణి ఏరియా ఆస్పత్రి కరోనా వార్డులో పనిచేస్తూ వైరస్ సోకి చనిపోయిన స్వీపర్ జి.గురుమూర్తి కుటుంబానికి కేంద్ర ప్రభుత్వం రూ.50 లక్షల చెక్కును అందజేసింది. ఈ ఏడాది జులై 25న ఆ కరోనా వారియర్ మరణించారు. దీంతో ప్రధానమంత్రి గరీబ్ కల్యాణ్ యోజన కింద నిధులు విడుదల కావడంతో ఆయన భార్య లలితకు సింగరేణి డైరెక్టర్ ఎస్.చంద్రశేఖర్ చెక్కును బుధవారం అందజేశారు. కాంపెన్సేటివ్ ఎంప్లాయ్మెంట్ కింద గురుమూర్తి పెద్ద కొడుకుకు సింగరేణిలో ఉద్యోగం ఇస్తామని చంద్రశేఖర్ హామీ ఇచ్చారు. కరోనా పేషెంట్లకు సేవలందించే క్రమంలో వారియర్స్ కూడా దాని బారిన పడి చనిపోతున్నారని, కేంద్రం ఇస్తున్న ఇన్సూరెన్స్ వారి కుటుంబాలకు ఎంతగానో ఉపయోగపడుతుందని అన్నారు. కరోనా నివారణకు సింగరేణిలో అన్ని రకాల చర్యలు తీసుకుంటున్నామన్నారు. ఇప్పటికే 50 వేల టెస్ట్ కిట్లను తెచ్చామని, మరో 3 వేల కిట్లు త్వరలోనే వస్తాయన్నారు.
For More News..
