- ‘నౌకరి.కామ్’లో డేటా ఆధారంగా కాల్స్
బషీర్ బాగ్, వెలుగు : కెనడాలో జాబ్స్ఇప్పిస్తామంటూ సైబర్నేరగాళ్లు సిటీకి చెందిన ఓ వ్యాపారిని చీట్చేశారు. విడతల వారీగా అతని నుంచి రూ.8లక్షలు కొట్టేశారు. సిటీకి చెందిన వ్యాపారి(45) కుటుంబ సభ్యులతో విదేశాల్లో సెటిల్అవుదామని అనుకుంటున్నాడు. అందుకోసం తన ప్రొఫైల్తోపాటు, తన చెల్లి, ఆమె భర్త ఫ్రొఫైల్స్ ను ‘నౌకరి.కామ్’తోపాటు వేర్వేరు జాబ్ఆఫర్సైట్లలో అప్లోడ్చేశాడు. కాగా నాలుగు నెల కింద సదరు వ్యాపారికి సైబర్నేరగాడు కాల్చేశాడు. తాను డెలాయిట్ కంపెనీ రిక్రూటర్ ని అని పరిచయం చేసుకున్నాడు.
కెనడాలో ఉద్యోగాలు ఉన్నాయని, ప్యానెల్ మేనేజ్మెంట్ ప్రక్రియలో ఇంటర్వ్యూలు ఉంటాయని నమ్మబలికాడు. అతని మాటలు నమ్మిన వ్యాపారి తన పాస్ పోర్టుతోపాటు అతని చెల్లి, ఆమె భర్త పాస్పోర్టుల వివరాలు పంపించాడు. తర్వాత జాబ్ ప్రాసెస్ చేయాలంటే టోకెన్ అమౌంట్ కట్టాలని సైబర్నేరగాడు డిమాండ్చేశాడు. ఆ వెంటనే వ్యాపారి తనతోపాటు తన స్నేహితుడి అకౌంట్నుంచి పలుమార్లు సైబర్నేరగాడి అకౌంట్కు రూ.8లక్షలు పంపించాడు.
ఆఫర్లెటర్లు రిలీజ్చేయకపోగా, అడిగిన ప్రతిసారి ఇంకా బెటర్జాబ్ఆఫర్ల గురించి చెబుతుండడంతో వ్యాపారి తాను మోసపోయానని తెలుసుకున్నాడు. తన డబ్బు తిరిగి ఇవ్వాలని నిలదీయగా తాను కెనడాలో ఉన్నానని సైబర్నేరగాడు సాకులు చెప్పాడు. చివరికి ఒక్క రూపాయి కూడా తిరిగి ఇవ్వను, ఏం చేసుకుంటావో చేసుకో అని బెదిరించాడు. చివరికి బాధితుడు సైబర్ క్రైమ్ పోలీసులకు ఫిర్యాదు చేశాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హైదరాబాద్ సైబర్ క్రైమ్ ఏసీపీ శివమారుతి తెలిపారు.
