- కొత్తగూడెం మున్సిపాలిటీలో అవిశ్వాస రాజకీయాలు
- పదవి కాపాడుకునేందుకుచైర్ పర్సన్క్యాంప్ పాలిటిక్స్
- గద్దెదింపేందుకు అసమ్మతి వర్గం పైఎత్తులు
భద్రాద్రికొత్తగూడెం, వెలుగు : కొత్తగూడెం మున్సిపాలిటీలో రాజకీయాలు వేగంగా మారుతున్నాయి. బీఆర్ఎస్కు చెందిన ఇద్దరు కౌన్సిలర్లు, పలువురు సీనియర్ లీడర్లు బుధవారం కాంగ్రెస్లో చేరారు. వైరాలో డిప్యూటీ సీఎం భట్టి విక్రమార్క, ఏఐసీసీ కార్యదర్శి రోహిత్ చౌదరి సమక్షంలో కాంగ్రెస్ కండువా కప్పుకున్నారు. కాంగ్రెస్లో చేరిన వారిలో కొందరు మహిళాకౌన్సిలర్ల భర్తలు కూడా ఉండడంతో ఆ కౌన్సిలర్లు కూడా బీఆర్ఎస్కు గుడ్బై చెప్పినట్టేనని పార్టీ లీడర్లుఅంటున్నారు.
కొత్తగూడెం మున్సిపల్ చైర్ పర్సన్ కాపు సీతాలక్ష్మిపై 22 మంది అసమ్మతి కౌన్సిలర్లు అవిశ్వాసం ప్రకటించారు. అవిశ్వాసంపై ఓటింగ్ నిర్వహించేందుకు ఈ నెల 19న స్పెషల్ మీటింగ్ఏర్పాటు చేశారు. మరో నాలుగు రోజుల్లో మీటింగ్ ఉండడంతో అసమ్మతి కౌన్సిలర్లను బుజ్జగించేందుకు సీతాలక్ష్మి వర్గం ప్రయత్నిస్తోంది. పార్టీ హైకమాండ్దృష్టికి ఈ విషయాన్ని తీసుకెళ్లగా నాలుగురోజులుగా ఎంపీ వద్దిరాజు రవిచంద్ర కౌన్సిలర్లు, ముఖ్య లీడర్లతో ఫోన్లో మంతనాలు చేస్తున్నారు.
సీతాలక్ష్మికి మద్దతిస్తున్న 10 మంది కౌన్సిలర్లను మంగళవారం క్యాంపునకు తరలించారు. దీంతో అవిశ్వాసం పెట్టిన బీఆర్ఎస్ కౌన్సిలర్లు కాంగ్రెస్వైపు మొగ్గు చూపారు. కౌన్సిలర్లు లక్ష్మణ్, అనిల్, బీఆర్ఎస్ లీడర్లు భీమా శ్రీధర్, కాసుల వెంకట్, రజాక్, మాదా శ్రీరాములు, రావి రాంబాబు, దుర్గా ప్రసాద్, మసూద్, మోరే రమేశ్ తదితరులు కాంగ్రెస్లో చేరారు.
