- నలుగురు ఉద్యోగుల తొలగింపు
- సెలవుపై రిక్రూట్మెంట్ హెడ్
బెంగళూరు: గత మూడేండ్లలో సగటున 50 వేల మందికి ఉద్యోగాలు ఇచ్చిన టీసీఎస్లో జాబ్స్ స్కామ్ బయటపడింది. హైరింగ్ డిపార్ట్మెంట్లోని సీనియర్ ఉద్యోగులు కొందరు లంచాలు తీసుకుని వేలాది మందికి జాబ్స్ ఇచ్చినట్లు తేలింది. రిక్రూట్మెంట్ ప్రాసెస్లో అవకతవకలకు ఆ సీనియర్ ఉద్యోగులు పాల్పడినట్లు తెలుస్తోంది. స్కామ్ వివరాలు పూర్తిగా ఇంకా బయటకు రాలేదు. కానీ, రిసోర్స్ మేనేజ్మెంట్ గ్రూప్ (ఆర్ఎంజీ) గ్లోబల్ హెడ్ ఈ ఎస్ చక్రవర్తి స్టాఫింగ్ కంపెనీల నుంచి కమీషన్లు తీసుకుంటున్నట్లు ఒక విజిల్ బ్లోయర్ టీసీఎస్ సీఈఓ, సీఓఓలకు తెలియచేయడంతో జాబ్ స్కామ్ వెల్లడైందని ఇద్దరు ఎగ్జిక్యూటివ్లు చెప్పారు. విజిల్ బ్లోయర్ కంప్లయింట్తో మేలుకొన్న కంపెనీ చీఫ్ ఇన్ఫర్మేషన్ సెక్యూరిటీ ఆఫీసర్ అజిత్ మీనన్ నాయకత్వంలో ముగ్గురు ఎగ్జిక్యూటివ్స్‌తో దర్యాప్తు కోసం ఒక టీమ్ను ఏర్పాటు చేసింది.
కొన్ని వారాల దర్యాప్తు తర్వాత రిక్రూట్మెంట్హెడ్ను టీసీఎస్ సెలవుపై పంపించింది. ఆర్ఎంజీ లోని నలుగురు ఉద్యోగులపై వేటు వేయడంతోపాటు, మూడు స్టాఫింగ్ కంపెనీలను బ్లాక్లిస్టులో నూ పెట్టింది. స్కామ్ ఎంత మేరకు జరిగిందనే వివరాలు పూర్తిగా తేలకపోయినా స్కామ్కు పాల్పడిన ఉద్యోగులు కమీషన్ల రూపంలో కనీసం రూ. 100 కోట్ల దాకా సంపాదించి ఉంటారని ఒక ఉద్యోగి వెల్లడించారు. ఉద్యోగులు కోడ్ ఆఫ్ కండక్ట్ అతిక్రమించడం అప్పుడప్పుడు జరుగుతూనే ఉంటుందని, దర్యాప్తు చేసి రిజాల్వ్ చేయడానికి తగిన ప్రాసెస్ కంపెనీలో ఉందని టీసీఎస్ స్పోక్స్పర్సన్ చెప్పారు. మూడు వేల మంది ఉద్యోగులుండే ఆర్ఎంజీ డివిజన్ రోజుకి 1,400 మంది ఇంజినీర్లను హైర్ చేస్తుంది. టీసీఎస్లో రిక్రూట్మెంట్ స్కామ్ బయటపడటం ఇదే మొదటిసారి. ఈ స్కామ్ కంపెనీలోని సీనియర్ లీడర్షిప్ను షాక్కు గురిచేసిందని ఒక ఉద్యోగి పేర్కొన్నారు.
