కోల్ కతా: బంగ్లాదేశ్లో హిందువులపై జరుగుతున్న దాడులను వెంటనే ఆపాలని, అరెస్ట్ చేసిన హిందూ లీడర్లను వెంటనే రిలీజ్ చేయాలని ఆ దేశ ప్రభుత్వాన్ని రాష్ట్రీయ స్వయంసేవక్ సంఘ్ (ఆర్ఎస్ఎస్) కోరింది. భారత ప్రభుత్వం తన వంతు ప్రయత్నాలు చేయాలని ఆర్ఎస్ఎస్ జనరల్ సెక్రటరీ దత్తాత్రేయ హోసబలే విజ్ఞప్తి చేశారు.
బంగ్లాదేశ్లో మైనార్టీల దాడులకు వ్యతిరేకంగా అంతర్జాతీయ మద్దతును కూడగట్టాలని కోరారు. ‘‘హిందూ మైనార్టీల ఇండ్లను లూటీ చేస్తూ, మహిళలపై అత్యాచారాలకు పాల్పడుతుంటే.. బంగ్లా తాత్కాలిక ప్రభుత్వం చోద్యం చూస్తుండటం దారుణం” అని ఆయన అన్నారు.
