హైదరాబాద్ తార్నాకలో రోడ్డు ప్రమాదం జరిగింది. టూవీలర్ పై వెళ్తున్న మహిళను ఢీ కొట్టింది ఆర్టీసీ బస్సు. మహిళ బస్సు టైర్ల కింద పడటంతో అక్కడిక్కడే మృతి చెందింది. తార్నాక నుంచి హబ్సిగూడ వెళ్లే దారిలో ఈ ప్రమాదం జరిగింది.
ఘటనా స్థలానికి వచ్చిన పోలీసులు ఆర్టీసీ బస్సు డ్రైవర్ ను అదుపులోకి తీసుకున్నారు. ఈ ప్రమాదంతో కాసేపు రోడ్డుపై భారీగా ట్రాఫిక్ జామ్ అయ్యింది. కిలో మీటర్ల మేర వాహనాలు నిలిచిపోయాయి. ట్రాఫిక్ ను క్లియర్ చేశారు. కేసు నమోదు చేసుకుని దర్యాప్తు చేస్తున్నారు పోలీసులు. మృతదేహాన్ని పోస్టుమార్టం కోసం ప్రభుత్వ ఆస్పత్రికి తరలించారు. మహిళ పూర్తి వివరాలు తెలియాల్సి ఉంది.
