ముషీరాబాద్, వెలుగు: ప్రయాణికుల రద్దీకి అనుగుణంగా రాష్ట్ర వ్యాప్తంగా ఆర్టీసీ బస్సుల సంఖ్య పెంచాలని సీపీఐ(ఎంఎల్) మాస్ లైన్ నాయకులు డిమాండ్చేశారు. ఈ మేరకు బుధవారం ఆర్టీసీ క్రాస్ రోడ్స్లోని బస్ భవన్ వద్ద ధర్నాకు దిగారు. మాస్ లైన్ రాష్ట్ర కార్యదర్శివర్గ సభ్యులు కె.రమా, చిన్న చంద్రన్న, చంద్ర అరుణ, ఎస్.ఎల్.పద్మ, ఆవుల అశోక్, సి.వై.పుల్లయ్య, ఎం.హన్వేశ్ మాట్లాడుతూ.. మహిళలకు ఉచిత బస్సు సౌకర్యాన్ని స్వాగతిస్తున్నామని, అయితే 3 వేల బస్సులు తొలగించడం కరెక్ట్కాదన్నారు. రద్దీకి అనుగుణంగా ఆర్టీసీ బస్సులను పెంచాలని డిమాండ్ చేశారు.
మహాలక్ష్మి స్కీంతో ఆర్టీసీ ఆక్యుపెన్సీ పెరిగిందని, చాలాచోట్ల బస్సుల్లో సీట్ల కోసం ఘర్షణ పడుతున్నారని తెలిపారు. ప్రతిగ్రామానికి బస్సు సర్సీస్ఏర్పాటు చేయాలని, బస్టాండ్లలో టాయిలెట్స్ ను క్లీన్గా ఉంచాలని కోరారు. నష్టపోతున్న ఆటోల డ్రైవర్లకు ఆర్టీసీలో ఉద్యోగాలు కల్పించాలని డిమాండ్ చేశారు. నిరసనలో నాయకులు సూర్యం, స్వరూప, అజయ్, ప్రదీప్, రామకృష్ణ, ఆజాద్, శిరోమణి, ప్రవీణ్, వెంకటేశ్, వరలక్ష్మి, రవికృష్ణ, లక్ష్మీబాయి, ఝాన్సీ తదితరులు పాల్గొన్నారు.
