- సిటీ ప్యాసింజర్లకు మళ్లీ అందుబాటులోకి తెచ్చిన ఆర్టీసీ
- అన్ని బస్పాస్సెంటర్లలో పాస్ తీసుకోవచ్చు
- మెట్రో డీలక్స్, ఎక్స్ ప్రెస్, ఈ- ఎక్స్ ప్రెస్ (నాన్- ఏసీ )ల్లోనూ జర్నీ చేయొచ్చు
- గ్రేటర్ సిటీ జోన్ఎగ్జిక్యూటివ్ డైరెక్టర్ వెంకటేశ్వర్లు వెల్లడి
హైదరాబాద్, వెలుగు : సిటీ ప్రయాణికులను దృష్టిలో పెట్టుకుని ఆర్టీసీ మెట్రో డీలక్స్ మంత్లీ బస్ పాస్ లను మళ్లీ బుధవారం నుంచి అందుబాటులోకి తెచ్చినట్టు గ్రేటర్ హైదరాబాద్ జోన్ఎగ్జిక్యూటివ్ డైరెక్టర్ వి. వెంకటేశ్వర్లు తెలిపారు. రూ 1,450తో సిటీలోని బస్పాస్సెంటర్లలో తీసుకోవచ్చనని సూచించారు. మెట్రో డీలక్స్బస్ పాస్ తో మెట్రో డీలక్స్, మెట్రో ఎక్స్ ప్రెస్,
ఈ- – మెట్రో ఎక్స్ ప్రెస్ (నాన్- ఏసీ ), ఆర్డినరీ బస్సుల్లో సిటీ, సబర్బన్ పరిధిలో ఎక్కడినుంచి ఎక్కడికైనా ప్రయాణించవచ్చని పేర్కొన్నారు.
Also Read:-జనవరి నుంచి సన్నబియ్యం
ఏసీ, ఏఎమ్, ఏఎల్, ఏజీ రూట్లలో తిరిగే పుష్పక్ బస్సుల్లో శంషాబాద్, ఆరాంఘర్, గచ్చిబౌలి, బాలాపూర్ క్రాస్ రోడ్స్, ఎల్ బీనగర్ నుంచి ఎయిర్ పోర్టుకు జర్నీ చేసే ప్రయాణికులకు పుష్పక్ ఏసీ మంత్లీ రూట్ పాస్, 8 కి.మీ పరిధిలో రాకపోకలకు వర్తించే మంత్లీ రూట్ పాస్ లను కూడా అందుబాటులోకి తెచ్చినట్టు ఆయన వెల్లడించారు. పుష్పక్ ఏసీ జనరల్ మంత్లీ బస్ పాస్ రూ. 5,000-, గ్రీన్ మెట్రో లగ్జరీ ఏసీ మంత్లీ బస్ పాస్ రూ.1900-, మెట్రో ఎక్స్ ప్రెస్ మంత్లీ బస్ పాస్ రూ.1300, సిటీ ఆర్డినరీ మంత్లీ బస్ పాస్ రూ.1150- ధరలతో ప్రయాణికులకు అందుబాటులో ఉన్నాయని గురువారం ఆయన ఒక ప్రకటన విడుదల చేశారు.
