న్యూఢిల్లీ: నేషనల్హ్యూమన్రైట్స్ కమిషన్(ఎన్ హెచ్ఆర్సీ) చైర్పర్సన్ నియామకంలో కేంద్రం నిబంధనలు పాటించలేదని కాంగ్రెస్ అభ్యంతరం వ్యక్తంచేసింది. ఎన్హెచ్ఆర్సీ చైర్పర్సన్గా సుప్రీంకోర్టు మాజీ జడ్జి జస్టిస్వీ రామసుబ్రహ్మణియన్నియామకం లోపభూయిష్టమని ఆరోపించింది. ఈమేరకు మంగళవారం కాంగ్రెస్ పార్టీ అగ్రనేతలు రాహుల్ గాంధీ, మల్లికార్జున ఖర్గే ఉమ్మడిగా ఓ అసమ్మతి ప్రకటనను విడుదల చేశారు.
చైర్మన్ ఎంపిక ఏకపక్షంగా సాగిందని అందులో పేర్కొన్నారు. కాగా, ఎన్హెచ్ఆర్సీ చైర్పర్సన్గా సుప్రీంకోర్టు మాజీ జడ్జిలు జస్టిస్రోహింటన్ ఫాలి నారిమన్, జస్టిస్కేఎం జోసెఫ్ పేర్లను కాంగ్రెస్ ప్రతిపాదించింది. అయితే, జస్టిస్వీ రామసుబ్రహ్మణియన్ను కేంద్రం నియమిస్తున్నట్టు సోమవారం వెల్లడించింది. కమిషన్ సభ్యులుగా ప్రియాంక్ కనూంగో, డాక్టర్జస్టిస్బిద్యుత్రంజన్ను నియమించింది. దీనిపై కాంగ్రెస్అసంతృప్తి వ్యక్తంచేసింది.
పరస్పర సంప్రదింపులు లేకుండానే..
ఎన్హెచ్ఆర్సీ చైర్మన్ ఎంపికపై సమావేశంలో ఎలాంటి సంప్రదింపులు జరపకుండానే కేంద్రం చైర్పర్సన్ను నియమించిందని కాంగ్రెస్ నేతలు అసమ్మతి ప్రకటనలో పేర్కొన్నారు. ఈ తరహా అంశాల్లో ప్రతిపక్షాలతో చర్చించడం, ఏకాభిప్రాయ సాధనలాంటి సాంప్రదాయాన్ని కేంద్రం విస్మరించిందని తెలిపారు. సమావేశంలో లేవనెత్తిన చట్టబద్ధమైన ఆందోళనలను పక్కనపెట్టారని, కేవలం సంఖ్యాపరమైన మెజార్టీ ఆధారంగానే ఈ నియామకాన్ని చేపట్టారని పేర్కొన్నారు.
