మంచిర్యాల, వెలుగు: ప్రైవేట్ హాస్పిటల్స్ కచ్చితంగా రూల్స్పాటించాలని డీఎంహెచ్ఓ డాక్టర్ జీసీ. సుబ్బారాయుడు అన్నారు. డీఎంహెచ్ఓ ఆఫీస్లో శుక్రవారం హాస్పిటల్స్ మేనేజ్మెంట్లతో మీటింగ్ ఏర్పాటు చేశారు. హాస్పిటల్లో రిజిస్ర్టేషన్ సర్టిఫికేట్ తోపాటు డాక్టర్ల పేర్లు, వారి క్వాలిఫికేషన్, అందించే సేవల వివరాలను రెండు మూడు చోట్ల డిస్ప్లే చేయాలన్నారు.
అలాగే కన్సల్టెంట్ డాక్టర్లు ఏ టైమ్కు వస్తారు? ఫీజు వివరాలను సైతం డిస్ప్లే చేయాలని ఆదేశించారు. హాస్పిటల్లో క్వాలిఫైడ్పారామెడికల్ స్టాఫ్ఉండాలని, అంబులెన్స్లలో వచ్చిన పేషెంట్ల వివరాలను నమోదు చేయాలని పేర్కొన్నారు. మూడ్రోజుల్లోగా ఈ మేరకు మార్పులు చేసుకోవాలని డీఎంహెచ్ఓ ఆదేశించారు. వసుధ, ఓంసాయి, గౌతమి, జైసాయి, లోటస్, మెడిలైఫ్, కిరణ్, హెల్త్కేర్, అమృత, సిటీకేర్, సిద్ధి, స్శర్శ్, రాఘవేంద్ర, కాకతీయ హాస్పిటల్స్ నిర్వాహకులు తదితరులు పాల్గొన్నారు.
