భారతీయులకు 2025 నుంచి వీసా ఫ్రీ ఎంట్రీని రష్యా ప్రభుత్వం అధికారికంగా ప్రకటించింది. రష్యా ప్రకటించిన వీసా రహిత ప్రవేశ దేశాల జాబితాలో భారత్తోపాటు 62 దేశాలు ఉన్నాయి. కేవలం పాస్పోర్ట్, ఇతర గుర్తింపు పత్రాలతో రష్యాకు చేరుకునేవాళ్లు అక్కడి ఎయిర్పోర్టులో వీసా ఫ్రీ ఎంట్రీకి దరఖాస్తు చేసుకోవాలి. ఇరుదేశాల మధ్య స్నేహపూర్వక సంబంధాలను ముందటి కంటే మెరుగ్గా, పటిష్టం చేసేందుకు ప్రధాని నరేంద్ర మోదీ, రష్యా అధ్యక్షుడు వ్లాదిమిర్ పుతిన్ మధ్య జరిగిన చర్చల ఫలితమే ఇది.
- భారతీయులు ఎక్కువగా వ్యాపారం, పర్యటన కోసం రష్యాకు వెళ్తుంటారు. 2023, ఆగస్టు నుంచి రష్యా వెళ్లేందుకు భారతీయులకు ఈ–వీసా వెసులుబాటు ఉన్నది. 2023లో రికార్డు స్థాయిలో 60,000 మంది భారతీయులు మాస్కోను సందర్శించారు. ఇది 2022 కంటే 26 శాతం ఎక్కువ.
- రష్యాకు ఎక్కువ మంది ప్రయాణించే నాన్ సీఐఎస్(కామన్వెల్త్ ఆఫ్ ఇండిపెండెంట్స్ స్టేట్స్) దేశాల్లో భారత్ మూడో స్థానంలో ఉన్నది. 2024 మొదటి త్రైమాసికంలోనే భారతీయులకు దాదాపు 1700 ఈ–వీసాలు జారీ అయ్యాయి.
