క్రికెట్ లవర్స్ కు ఐపీఎల్ కు ముందే శుభవార్త. ధనాధన్ మెరుపులతో సౌతాఫ్రికా టీ 20లీగ్ సందడి చేయనుంది. దక్షిణాఫ్రికా యొక్క T20 ఫ్రాంచైజీ క్రికెట్ టోర్నమెంట్ నేటి నుంచి (జనవరి 10) ప్రారంభమై ఫిబ్రవరి 10న ముగుస్తుంది. మొత్తం ఆరు జట్లు ఈ టోర్నీలో పాల్గొంటాయి. టోర్నీ సౌతాఫ్రికాలో జరిగినా..అన్ని జట్లకు యాజమానులు ఐపీఎల్ ఫ్రాంచైజీలు కావడం విశేషం. ఈ లీగ్ లో హైదరాబాద్, ముంబై, ఢిల్లీ, లక్నో, రాజస్థాన్, చెన్నై జట్లు ఉండబోతున్నాయి. ఒకరకంగా దీనిని ప్రీ ఐపీఎల్, మినీ ఐపీఎల్ అని పిలుస్తూ ఉంటారు.
నెల రోజులపాటు జరగబోయే ఈ మ్యాచ్ లన్ని ఫ్రీగా చూసే అవకాశం క్రికెట్ లవర్స్ కు దక్కింది. జియో టీవీ వెబ్ సైట్ లో ఈ మ్యాచ్ లు ప్రత్యక్ష ప్రసారమవుతాయి. టీవీలో స్పోర్ట్స్ 18 ఛానెల్ లో ప్రసారమవుతాయి. 2023 ఐపీఎల్ మ్యాచులన్నీ జియో టీవీలో ప్రసారమైన సంగతి తెలిసిందే. తాజాగా ఈ మినీ ఐపీఎల్ కూడా ఫ్రీగా చూసే బంపర్ ఆఫర్ ను జియో టీవీ అభిమానులకు కల్పించింది.
ఈ మెగా లీగ్ లో డర్బన్ సూపర్ జెయింట్స్(లక్నో), జోహెన్ బర్గ్ సూపర్ కింగ్స్ (చెన్నై), ఎంఐ కేప్ టౌన్ (ముంబై), పార్ల్ రాయల్స్ (రాజస్థాన్), ప్రిటోరియా క్యాపిటల్స్ (ఢిల్లీ), సన్ రైజర్స్ ఈస్టర్న్ కేప్ (హైదరాబాద్) జట్లు పాల్గొంటున్నాయి. మార్కరం సారధ్యంలోని సన్ రైజర్స్ ఈస్టర్న్ కేప్ డిఫెండింగ్ ఛాంపియన్ గా బరిలోకి దిగుతుంది. షెడ్యూల్ ప్రకారం.. ప్రతి జట్టు ఇతర ఐదు జట్లతో డబుల్ రౌండ్-రాబిన్ ఫార్మాట్‌లో రెండుసార్లు ఆడుతుంది. అన్ని లీగ్ మ్యాచ్‌ల తర్వాత స్టాండింగ్స్‌లో మొదటి నాలుగు స్థానాల్లో నిలిచిన జట్లు ప్లే ఆఫ్‌కు అర్హత సాధిస్తాయి.
