SA20 2025 Auction: ముగిసిన మినీ ఐపీఎల్ వేలం.. అమ్ముడుపోని సఫారీ కెప్టెన్

మినీ ఐపీఎల్, సౌతాఫ్రికా టీ20 లీగ్(SA20, 2025) వేలం అట్టహాసంగా ముగిసింది. మంగళవారం(అక్టోబర్ 01) కేప్ టౌన్ వేదికగా జరిగిన ఈ వేలంలో దక్షిణాఫ్రికా ఓపెనర్ రీజా హెండ్రిక్స్‌ అత్యంత ఖరీదైన ఆటగాడిగా నిలిచాడు. 4.30 మిలియన్ రాండ్(భారత కరెన్సీలో దాదాపు రూ. 2 కోట్లు) ధరకు MI కేప్ టౌన్ అతన్ని కొనుగోలు చేసింది. అయితే, ఈ వేలంలో ప్రొటీస్ జట్టు కెప్టెన్ టెంబా బవుమా అమ్ముడుపోకపోవడం గమనార్హం.

13 మందిని వరించిన అదృష్టం

115 మంది దక్షిణాఫ్రికా ఆటగాళ్లతో సహా మొత్తం 188 మంది క్రికెటర్లు వేలంలో పాల్గొన్నారు. వీరిలో 13 మందిని మాత్రమే ఫ్రాంచైజీలు కొనుగోలు చేశాయి. అంతర్జాతీయ స్టార్లు టెంబా బావుమా, జోష్ లిటిల్, టోనీ డి జోర్జి వంటి వారి కోసం ఫ్రాంచైజీలు కన్నెత్తి కూడా చూడలేదు.