హైదరాబాద్, వెలుగు: గ్లోబల్ ఓఈఎంల కోసం ఇంజినీరింగ్, టెక్నికల్ సొల్యూషన్స్ అందించే హైదరాబాద్ కంపెనీ ఆజాద్ ఇంజనీరింగ్‌‌‌‌‌‌‌‌లో క్రికెట్ లెజెండ్ సచిన్ టెండూల్కర్ చిన్న వాటాను తీసుకున్నారు. ఈ కంపెనీ క్లీన్ ఎనర్జీ, ఏరోస్పేస్, డిఫెన్స్, ఆయిల్ , గ్యాస్ స్పియర్స్కు విడిభాగాలను సప్లై చేస్తుంది. సచిన్ పెట్టుబడి పెట్టడం ద్వారా మేక్ ఇన్ ఇండియా ఆత్మనిర్భర్ భారత్కు సహకారం అందిస్తామని ఆజాద్ ఇంజనీరింగ్ ప్రకటించింది.
"ఆయన ఇన్వెస్టర్‌‌‌‌‌‌‌‌గా చేరడం మాకు గొప్ప గౌరవం. అత్యంత సంక్లిష్టమైన ప్రొడక్టులను తయారు చేయడానికి మేం కట్టుబడి ఉన్నాం" అని ఆజాద్ ఇంజినీరింగ్ మేనేజింగ్ డైరెక్టర్ రాకేష్ చోప్దార్ అన్నారు. అయితే సచిన్ ఎంత పెట్టుబడి పెట్టిందీ, ఎంత శాతం వాటా తీసుకున్నదీ కంపెనీ వెల్లడించలేదు. ఈ కంపెనీ బోయింగ్, జీఈ, మిత్సుబిషి, సిమెన్స్ వంటి మార్క్యూ గ్లోబల్ క్లయింట్‌‌‌‌‌‌‌‌లతో కలిసి పనిచేస్తోంది. హనీవెల్, ఈటన్, జీఈ ఏరోస్పేస్, బేకర్ హ్యూస్, హెచ్ఏఎల్, గోద్రెజ్, టాటా, మహీంద్రా ఏరోస్పేస్ కంపెనీలు కూడా ఈ సంస్థ క్లయింట్లు.
