తమిళ స్టార్ శివ కార్తికేయన్ (Shiva Karthikeyan) హీరోగా వస్తన్న లేటెస్ట్ మూవీ అమరన్ (Amaran). మేజర్ ముకుంద్ వరదరాజన్ (Mukund Varadharajan) జీవిత కథ ఆధారంగా తెరకెక్కిన ఈ సినిమాను దర్శకుడు రాజ్‌కుమార్ పెరియసామి (Rajkumar Periyaswami) తెరకెక్కిస్తున్నాడు.
లోకనాయకుడు కమల్ హాసన్ (Kalam Haasan) నిర్మాతగా వ్యవహరిస్తున్న ఈ సినిమాలో లేడీ పవర్ స్టార్ సాయి పల్లవి (Sai Pallavi) హీరోయిన్ గా నటిస్తున్నారు. ఈ సినిమా నుండి ఇటీవల విడుదలైన టీజర్ ఆడియన్స్ పై అంచనాలు పెంచేసింది.
అమరన్ సినిమాలో 'ఇందు రెబెక్కా వర్గీస్‌గా' సాయి పల్లవిని పరిచయం చేస్తూ మేకర్స్ ఇంట్రో వీడియో రిలీజ్ చేశారు. ఈ మూవీలో మేజర్ ముకుంద్ జీవితంలో అనేక సందర్భాలు ఉండబోతున్నాయని విజవల్స్ చూస్తే అర్ధమవుతోంది. 1:22 నిమిషాలు ఉన్న ఈ వీడియోలో శివకార్తికేయన్ భార్య ఇందు రెబెక్కా వర్గీస్ పాత్రలో కనిపించబోతున్నట్లు తెలుపుతూ ఉన్న వీడియో ఆకట్టుకుంటోంది.
అంతేకాకుండా ఈ ఇంట్రో వీడియో చూస్తే.. ముకుంద్, ఇందులో ఎమోషనల్ జర్నీని ఎలా ప్రజెంట్ చేస్తోందో చెబుతుంది. రిపబ్లిక్ డే పరేడ్ సీక్వెన్స్‌తో ఈ ఫస్ట్ లుక్ గ్లింప్స్ ప్రారంభమవుతుంది. భారత ప్రధాని నరేంద్ర మోదీ, మాజీ యూఎస్ ప్రెసిడెంట్ బరాక్ ఒబామా వంటి ప్రముఖ వ్యక్తులతో పాటు ముకుంద్‌ను సత్కరిస్తున్న రియల్ ఫుటేజీని ప్రజెంట్ చేయడం మనసుని హత్తుకుంది.
ALSO READ | రియల్ లైఫ్ పాత్రలో సాయిపల్లవి
ఈ సినిమాతో మరోసారి సాయి పల్లవి లుక్స్, యాక్టింగ్కి అడియన్స్ ఫిదా అవ్వడం పక్కా అనేలా ఉన్నాయి. ప్రస్తుతం అమరన్ లో శివ కార్తికేయన్ తో దిగిన ఫోటోలు తెగ వైరలవుతున్నాయి. ఈ ఇంట్రో వీడియోలో బీజీఎమ్ చాలా బాగుంది. ఫస్ట్ లుక్ మొత్తం చాలా ఆహ్లాదకరంగా, మనసుకు హత్తుకునేలా ఉంది.
తమిళంలో రూపొందుతున్న ఈ చిత్రం తెలుగు, హిందీ, కన్నడ, మలయాళంలోనూ ఒకేసారి విడుదల కానుంది. రాజ్‌కుమార్ పెరియసామి తెరకెక్కిస్తున్న ఈ సినిమాని రచయితలు శివ్ అరూర్,రాహుల్ సింగ్ రచించిన ఇండియాస్ మోస్ట్ ఫియర్‌లెస్ పుస్తకంలోని ఓ చాప్టర్ ఆధారంగా ఈ మూవీని డైరెక్టర్ రూపొందిస్తున్నారు. ఈ మూవీకి జీవీ ప్రకాశ్ కుమార్ సంగీతం అందిస్తున్నారు.
లేడీ పవర్ స్టార్ సాయిపల్లవి సినిమాల నుంచి కొంతకాలం బ్రేక్ తీసుకున్నారు. 2022లో వచ్చిన గార్గి తర్వాత ఆమె నటించిన ఏ చిత్రం కూడా రిలీజ్ కాలేదు. అయితే ప్రస్తుతం ఆమె వరుసగా సినిమాలు చేస్తున్నారు. సాయిపల్లవి లైనప్‍లో నాలుగు చిత్రాలు ఉన్నాయి. అయితే, సాయిపల్లవిని మళ్లీ వెండితెరపై ఎప్పుడెప్పుడు చూస్తామా అని అభిమానులు వేచిచూస్తున్నారు. ఈ సినిమా అక్టోబర్ 31న పాన్ ఇండియా స్థాయిలో రిలీజ్ కానుంది.
