- అక్రమ లేఅవుట్లు సృష్టించి ప్లాట్లు అమ్మినట్లు ఆరోపణలు
గచ్చిబౌలి, వెలుగు: ఫేక్ డాక్యుమెంట్లతో ప్రజలకు ప్లాట్లను కట్టబెట్టి కోట్ల రూపాయల మోసానికి పాల్పడినట్లు ఆరోపణలు రావడంతో సాయి సూర్య డెవలపర్స్ ప్రొప్రైటర్సతీశ్చంద్ర గుప్తాను సైబరాబాద్ ఎకనామిక్ అఫెన్సెస్ వింగ్ పోలీసులు అరెస్ట్ చేశారు. ఏపీలోని నెల్లూరుకు చెందిన కంచర్ల సతీశ్చంద్రగుప్తా రాయదుర్గంలో సాయి సూర్య డెవలపర్స్ పేరిట రియల్ ఎస్టేట్ సంస్థను ఏర్పాటు చేశాడు.
నరేందర్ అనే వ్యక్తి భాగ్యనగర్ ప్రాపర్టీస్ లిమిటెడ్కంపెనీని ఏర్పాటు చేసి ఎండీగా కొనసాగుతున్నాడు. వట్టినాగులపల్లిలోని ఓ లేఅవుట్లో 260 గజాల ప్లాట్ను నాచారానికి చెందిన రిటైర్డ్ హెచ్ఎంటీ ఉద్యోగి గోపాల్రెడ్డికి వీరు 3.25 కోట్లకు అమ్మారు. అడ్వాన్స్గా 1.45 కోట్లు అందజేశారు. అయినా ప్లాట్ను రిజిస్ర్టేషన్ చేయలేదు. మోసపోయినట్లు గుర్తించిన గోపాల్రెడ్డి.. సైబరాబాద్ పోలీసులను ఆశ్రయించారు. కేసు నమోదు చేసుకున్న ఈవోడబ్ల్యూ పోలీసులు సతీశ్చంద్ర గుప్తాను అరెస్ట్ చేశారు. నరేందర్పరారీలో ఉన్నట్లు పేర్కొన్నారు.
