ఖమ్మం, వెలుగు : వరంగల్ కాకతీయ మెడికల్‍ కాలేజీ ఫస్ట్ఇయర్ స్టూడెంట్ధరావత్ ప్రీతి సూసైడ్ ఘటనలో నిందితుడు డాక్టర్ సైఫ్ బెయిల్ పై రిలీజ్అయ్యాడు. వరంగల్ జిల్లా ఎస్సీ ఎస్టీ కోర్టు బుధవారం కండీషన్లతో బెయిల్ మంజూరు చేసింది. బెయిల్ పేపర్లు ఆలస్యంగా రావడంతో గురువారం ఖమ్మం జిల్లా జైలు నుంచి సైఫ్ బయటకు వచ్చాడు. ఫిబ్రవరి 22న వరంగల్‍ఎంజీఎం హాస్పిటల్లో డ్యూటీ సమయంలో ప్రీతి సూసైడ్ చేసుకున్నట్లు వరంగల్మట్వాడా పోలీస్‍స్టేషన్లో కేసు నమోదైంది.
ఆపై మెరుగైన ట్రీట్‍మెంట్‍పేరుతో హైదరాబాద్నిమ్స్కు తరలించారు. అదే నెల 24న ప్రీతి ఆత్మహత్యకు సీనియర్ స్టూడెంట్ సైఫ్ను బాధ్యుడిని చేస్తూ వరంగల్పోలీసులు ర్యాగింగ్‍, ఎస్సీ ఎస్టీ అట్రాసిటీ కేసు నమోదు చేశారు. అదేరోజు అరెస్ట్ చేసి ఖమ్మం జైలుకు తరలించారు. ఇది జరిగాక రెండు రోజులకే ప్రీతి చనిపోయింది. దీంతో రాష్ట్రవ్యాప్తంగా నిరసనలు వెల్లువెత్తాయి. ప్రీతి ఘటనలో సైఫ్ ఫిబ్రవరి 24న అరెస్ట్ కాగా దాదాపు 55 రోజుల తర్వాత కండీషన్లతో కూడిన బెయిల్‍మంజూరైంది. సైఫ్ తరఫున ఆయన లాయర్లు గతంలో రెండుసార్లు బెయిల్ పిటిషన్ పెట్టుకోగా కోర్టు తిరస్కరించింది. బుధవారం మరోసారి పిటిషన్ ఫైల్ చేయగా మంజూరు చేసింది.
