ప్రముఖ బాలీవుడ్ చిత్ర నిర్మాత సాజిద్ నదియాడ్ వాలాకు చెందిన ‘నదియాడ్ వాలా గ్రాండ్సన్ ఎంటర్టైన్మెంట్’(ఎన్జీఈ) సంస్థతో అమెజాన్ ప్రైమ్ వీడియో కీలక ఒప్పందాన్ని కుదుర్చుకుంది. ఆ బ్యానర్ లో తదుపరిగా విడుదల కాబోయే 6 సినిమాలకు సంబంధించిన లైసెన్సింగ్ ను అమెజాన్ ప్రైమ్ వీడియో దక్కించుకుంది. ఆ సినిమాల జాబితాలో బవాల్, సంకీ, బాగీ 4 సహా మరో మూడు మూవీస్ ఉన్నాయి. ఇటీవల అమెజాన్ ప్రైమ్ వీడియో అందుబాటులోకి తెచ్చిన ‘ఎర్లీ యాక్సెస్ రెంటల్’ ఫీచర్ ద్వారా ఈ సినిమాలను వినియోగదారులకు అందుబాటులోకి తెస్తారు. దీంతో థియేటర్ లో మూవీ విడుదలైన వెంటనే అమెజాన్ ప్రైమ్ వీడియోలోని ‘ఎర్లీ యాక్సెస్ రెంటల్’ ఫీచర్ ద్వారా చూసే వీలు కలుగుతుంది. ఎన్జీఈ నిర్మిస్తున్న ఆ ఆరు సినిమాల్లో వరుణ్ ధావన్, టైగర్ ష్రాఫ్, కార్తీక్ ఆర్యన్, అహాన్ శెట్టి సహా పలువురు ప్రముఖ నటులు కీలక పాత్రలు పోషిస్తున్నారు.
మరిన్ని వార్తలు..
