- 1853లో మొదటి సాలార్జంగ్ హైదరాబాద్ రాజ్య ప్రధానిగా నియమితుడయ్యే నాటికి రాజ్యం అన్ని రంగాల్లో క్లిష్ట పరిస్థితుల్లో ఉంది. ఆర్థిక పరిస్థితి అధ్వానంగా ఉండటంతో ప్రభుత్వ ఉద్యోగులకు జీతాలు ఇవ్వలేక రోజుల తరబడి బకాయిల్లో కూరుకుపోయి ప్రభుత్వాన్ని నడపలేని స్థితిలో ఉందని హైదరాబాద్ ఆర్థిక మంత్రి సర్ అక్బర్ హైదరి 1921లో రాశారు.
- 1853, మే 31న నిజాం రాజ్య దివాన్ లేదా ప్రధాన మంత్రిగా నియమితుడయ్యే నాటికి సాలార్జంగ్ వయస్సు 24 ఏళ్లు.
- హైదరాబాద్ రాజ్య ఆర్థిక పరిస్థితులను మెరుగుపరచడానికి సాలార్జంగ్ ఎంచుకున్న ఆరు అంశాల్లో మొదటిది1855లో జీతంపై పనిచేసే తాలుకాదార్లను లేదా కలెక్టర్లను నియమించడం, కాంట్రాక్ట్ తాలుకాదార్లను తొలగించడం.
- హైదరాబాద్ రాజ్య ఆర్థిక పరిస్థితులను మెరుగుపరచడానికి సాలార్జంగ్ చేపట్టిన మొదటి సంస్కరణల్లో రెండో అంశం తక్కువ వడ్డీరేటుకు రుణ సౌకర్యం కల్పించి, ఎక్కువ వడ్డీరేటుపై తాకట్టు పెట్టిన ప్రభుత్వ భూములను విడిపించడం, రుణాలను తీర్చడం.
- సాలార్జంగ్ చేపట్టిన మొదటి సంస్కరణల్లో మూడో అంశం ప్రభుత్వ హాలిసిక్కా రూపాయిని ప్రవేశపెట్టడం. హైదరాబాద్ కేంద్రంగా ప్రభుత్వ ముద్రణా కార్యాలయాన్ని ఏర్పాటు చేసి, ప్రైవేటు ముద్రణా కార్యాలయాలను మూసివేయించడం.
- సాలార్జంగ్ మొదటి సంస్కరణల్లోని నాలుగో అంశం అకౌంటింగ్ జనరల్ ఆఫీసును ఏర్పాటు చేసి, ప్రభుత్వ ఆదాయ, వ్యయాల లెక్కలు తయారు చేయించడం.
- సాలార్జంగ్ మొదటి సంస్కరణల్లో ఐదో అంశం పలు కాంట్రాక్టర్ల కింద ఉన్న భూములన్నింటిని తొలగించి, వాటిని ప్రభుత్వ ఆధీనంలోకి రప్పించి ప్రభుత్వ ఆదాయాన్ని పెంచడం.
- సాలార్జంగ్ మొదటి సంస్కరణల్లో ఆరో అంశం గ్రామం యూనిట్గా పన్ను చెల్లించే పద్ధతిని రద్దు చేసి, రైతు స్వతంత్రంగా ప్రభుత్వానికి పన్ను చెల్లించే పద్ధతిని పెట్టడం.
- సాలార్జంగ్ ప్రవేశపెట్టిన రెవెన్యూ విధానాన్ని బొంబాయి రైత్వారీ పద్ధతి రెవెన్యూ విధానం అని పిలిచేవారు.
- సాలార్జంగ్ రెండోసారి సంస్కరణలు వర్తక, వాణిజ్యాలపై చేపట్టారు.
- రహదారి పన్నులు వసూలు చేయడానికి ప్రత్యేక కస్టమ్స్ అధికారులను నియమించింది సాలార్జంగ్.
- సాలార్జంగ్ మూడో సంస్కరణ ప్రభుత్వాధీనంలో పబ్లిక్ వర్క్స్ డిపార్ట్మెంట్ను ఏర్పాటు చేసి, తద్వారా రోడ్ల పునరుద్ధరణ, నీటిపారుదల పనులు చేపట్టి వ్యవసాయాభివృద్ధికి కృషి చేయడం.
- ప్రభుత్వపరమైన అటవీశాఖను ఏర్పాటు చేసి, అటవీ సంపదను ప్రభుత్వపరం చేసిన నిజాం ప్రధాన మంత్రి సాలార్జంగ్.
- రాజ్యంలో శాంతిభద్రతలను మెరుగుపరచడం కోసం హైదరాబాద్లో సాలార్జంగ్ ఏర్పాటు చేసిన పోలీస్ శాఖ మహాకామా ఇ కొత్వాల్.
- సాలార్జంగ్ జిల్లాల్లో ఏర్పాటు చేసిన పోలీసు శాఖలను చౌకీసు అనేవారు.
- సాలార్జంగ్ ఏర్పాటు చేసిన పోలీసుదళం పేరు నిజామత్.
- జిల్లా పోలీసు అధికారిగా నియామకమైన సూపరింటెండెంట్ ఆఫ్ పోలీసును ముత్తామీన్ అని పిలిచేవారు.
- సాలార్జంగ్ హైదరాబాద్ కేంద్రంగా ఏర్పాటు చేసిన న్యాయస్థానం హైకోర్టు.
- సాలార్జంగ్ జిల్లాల్లో నియమించిన న్యాయాధికారులు మునిసిఫ్, ఆదిల్స్.
- సాలార్జంగ్ మొత్తం రాష్ట్రాన్ని జిల్లాలుగా విభజిస్తూ జిలాబంది వ్యవస్థను 1865లో ప్రవేశపెట్టారు.
- సాలార్జంగ్ తన సంస్కరణల్లో భాగంగా 1868లో మొత్తం ప్రభుత్వ పరిపాలనను నాలుగు మంత్రిత్వశాఖలకు కిందకి తెస్తూ ఏర్పాటు చేసిన మంత్రి మండలిని సదర్ ఉల్ మహమ్ అని పిలిచేవారు.
- సదర్ ఉల్ మహమ్ శాఖ దివాన్ లేదా ప్రధాన మంత్రికి బాధ్యత వహించేది.
- సాలార్జంగ్ దారుల్ ఉల్ ఉలూమ్ అనే హైస్కూల్ను ఏర్పాటు చేసి ఇంగ్లీష్ను ఒక నిర్బంధ సబ్జెక్టుగా 1855లో ఏర్పాటు చేశారు.
- 1870లో స్కూల్ ఆఫ్ ఇంజినీరింగ్ను ఏర్పాటు చేశారు.
- నీటిపారుదలపై ఆరో నిజాం మీర్ మహబూబ్ అలీఖాన్, ఏడో నిజాం మీర్ ఉస్మాన్ అలీఖాన్ ప్రత్యేక శ్రద్ధ వహించారు.
- నవాబ్ అలీ నవాజ్ జంగ్ను నిజాం రాజ్య ప్రధాన ఇంజినీరుగా ఏడో నిజాం మీర్ ఉస్మాన్ అలీఖాన్ నియమించారు.
- ప్రస్తుతం నెహ్రూ జూపార్క్కు నీటిని అందిస్తున్న మీర్ ఆలం ట్యాంక్ను 1810లో మూడో నిజాం సికిందర్ జా ప్రధాన మంత్రి మీర్ ఆలం నిర్మించాడు.
- 1905లో మెదక్ జిల్లా ఘన్పూర్ దగ్గరలో మంజీరా నదిపై ఆనకట్ట నిర్మించారు.
- నల్లగొండ జిల్లాలోని నెమలికాల్వ గ్రామం వద్ద 1905లో మూసీ నదిపై నిర్మించిన ఆనకట్ట అసఫ్నహర్ ప్రాజెక్టు.
- 1908లో మూసీ నది వరదల వల్ల జరిగిన ప్రాణనష్టం, ప్రమాదాన్ని దృష్టిలో పెట్టుకొని, ఆ నది నీటిని హైదరాబాద్ పట్టణవాసుల తాగునీటి అవసరాలు తీర్చడం కోసం ఏడో నిజాం మీర్ ఉస్మాన్ అలీఖాన్ 1919లో తన పేరిట నిర్మించిన ప్రాజెక్ట్ ఉస్మాన్సాగర్ (దీన్నే గండిపేట చెరువు అని కూడా అంటారు).
- మూసీ ఉపనది ఈసాపై తన కుమారుడు హిమాయత్ అలీఖాన్ పేరున 1927లో ఏడో నిజాం మీర్ ఉస్మాన్ అలీఖాన్ నిర్మించిన ప్రాజెక్టు హిమాయత్ సాగర్.
- బెలాల్ ప్రాజెక్టును నిజామాబాద్ జిల్లాలోని బోధన్ తాలుకాలో నిర్మించారు.
- 1922లో పోచారం రిజర్వాయర్ను నిజామాబాద్ జిల్లాలోని పోచారం గ్రామం వద్ద ఆలేరు అనే ఉపనదిపై నిర్మించారు.
- మెదక్ జిల్లా రాయంపల్లిలో 1924లో రాయంపల్లి అనే రిజర్వాయర్ను రూ.3 లక్షలతో నిర్మించారు.
- ఏడో నిజాం మీర్ ఉస్మాన్ అలీఖాన్ నిర్మించిన ప్రాజెక్టుల్లో అతి పెద్దది నిజాం సాగర్ ప్రాజెక్ట్.
- నిజాంసాగర్ ప్రాజెక్టును మంజీరా నదిపై నిర్మించారు.
- నిజాంసాగర్ ప్రాజెక్టును నిజామాబాద్ జిల్లా అచ్చంపేట గ్రామ సమీపంలో నిర్మించారు.
- నిజాంసాగర్ ప్రాజెక్టు నిర్మాణం కాలం 1924–1931.
- ఖమ్మం జిల్లా పాలేరు నదిపై నాయికుండ గ్రామంలో 1924–29లో నిర్మించిన ప్రాజెక్ట్ పాలేరు.
- వైరా ప్రాజెక్ట్ను ఖమ్మం జిల్లాలోని మధిర తాలుకాలో వైరా నది మీద నిర్మించారు.
- సింగభూపాలం రిజర్వాయర్ను ఖమ్మం జిల్లాలోని మధిర తాలుకాలోని వైరా నది మీద నిర్మించారు.
- 1943లో నల్లగొండ జిల్లాలోని దేవరకొండ తాలుకాలో కృష్ణా నది ఉప నది అయిన డిండిపై డిండి ప్రాజెక్టును నిర్మించారు.
