- జిల్లాలో గంజాయి సప్లయ్పై లోతైన ఎంక్వైరీ కరవు
- కేవలం సప్లయ్ చేసిన వారి అరెస్ట్తో సరి
కామారెడ్డి, వెలుగు: కామారెడ్డి జిల్లాలో కొంతకాలంగా గంజాయి అమ్మకాలు జోరుగా సాగుతున్నాయి. జిల్లా కేంద్రంతో పాటు పలు గ్రామాలకు గంజాయి సప్లయ్ చేస్తున్నారు. యువతే టార్గెట్గా ఏజెంట్లను నియమించుకొని గంజాయి సప్లయ్ చేస్తున్నారు. 20 రోజుల వ్యవధిలోనే జిల్లాలో 10 మంది యువకులు అరెస్టయ్యారు. వీరిలో ఐదుగురు సప్లయ్ చేస్తున్న వారు కాగా, మరో ఐదుగురు గంజాయి తాగిన వారు ఉన్నారు.
సప్లయ్చేస్తున్నది ఎవరు?
ఏపీలోని విశాఖ, హైదరాబాద్, మహారాష్ట్రలోని నాందేడ్ఏరియాల నుంచి కామారెడ్డి జిల్లాకు గంజాయి సప్లయ్ అవుతోంది. ఒకరి ద్వారా మరొకరికి చైన్ సిస్టమ్లో యూత్కు గంజాయి సప్లయ్చేస్తున్నారు. రాష్ట్ర ప్రభుత్వం మత్తు పదార్థాల దందాపై కఠినంగా వ్యవహరించాలని పోలీస్, ఎక్సైజ్ ఆఫీసర్లను ఆదేశించింది. జిల్లాలో ఇటీవల పలువురిని పోలీసులు అరెస్ట్ చేశారు.
అయితే ఇక్కడ అమ్ముతున్న వ్యక్తులకు గంజాయిని ఎవరు సప్లయ్చేస్తున్నారు.. మూలాలు ఎక్కడ ఉన్నాయనే కోణంలో మాత్రం ఎంక్వైరీ సాగడం లేదు. వారం, పది రోజులు హడావుడి చేస్తూ, కేసుల ఎంక్వైరీని మూలన పడేస్తున్నారు. దీంతో మళ్లీ అమ్మకాలు జరిగే ఊపందుకుంటున్నాయి. నాలుగు రోజుల కింద గాంధారి మండలంలోని ఓ తండాలో ఓ వ్యక్తి ఇంట్లో గంజాయి నిల్వ ఉందనే సమాచారంతో ఎక్సైజ్,ఎన్ఫోర్స్మెంట్ఆఫీసర్లు తనిఖీలకు చేయడానికి వెళ్లగా, స్థానికులు అడ్డుకున్నారు.
కామారెడ్డి టౌన్తో పాటు, జిల్లాలోని పలు గ్రామాల్లో గుట్టుచప్పుడు కాకుండా గంజాయి అమ్మకాలు జరుగుతూనే ఉన్నాయి. జిల్లా పోలీస్ఉన్నతాధికారులు దృష్టి సారించి గంజాయి సప్లయ్మూలలను కనుక్కొని, అసలు సూత్రధారులను పట్టుకొంటే శాశ్వత పరిష్కారం దొరికే ఛాన్స్ ఉంటుంది.
లిక్విడ్ రూపంలో గంజాయ్..
15 రోజుల కింద కామారెడ్డి మండలం క్యాసంపల్లి శివారులో గంజాయి తాగుతున్న ఏడుగురిని పోలీసులు అరెస్ట్ చేశారు. వీరంతా కామారెడ్డి టౌన్కు చెందిన యువకులు. ఇక్కడ లిక్విడ్ రూపంలో గంజాయి పట్టుబడింది. గంజాయి సప్లయ్చేసిన ఇద్దరిని జైలుకు పంపగా, ఐదుగురికి స్టేషన్ బెయిల్పై బయటకు పంపారు. కేసులో అరెస్టయిన వారి పేర్లను వెల్లడించలేదు. ఈ కేసు ఇంతటితో ఆగిపోయింది. పట్టుబడిన వారికి గంజాయి సప్లయ్చేసిన వ్యక్తులెవరు? ఎక్కడి నుంచి వస్తుంది? ఈ దందాలో ఇంకా ఎవరైనా ఉన్నారా? అనే కోణంలో ఎంక్వైరీ చేయడం లేదనే విమర్శలు వస్తున్నాయి.
మహారాష్ట్ర నుంచి సప్లయ్
మహారాష్ట్రలోని నాందేడ్ నుంచి ట్రైన్లో కామారెడ్డికి గంజాయి తీసుకొస్తూ ఇటీవల ముగ్గురు యువకులు పట్టుబడ్డారు. వీరిలో ఇద్దరు కామారెడ్డి టౌన్కు చెందిన వాళ్లు కాగా మరో యువకుడు నాందేడ్ వాసి. వీరి నుంచి 300 గ్రాముల గంజాయి స్వాధీనం చేసుకున్నారు.4 రోజుల కింద నస్రుల్లాబాద్ మండలంలో ఓ ఇంట్లో కిలో గంజాయి దొరికింది.
