టాలీవడ్ స్టార్ హీరోయిన్ సమంత, బాలీవుడ్ స్టార్ హీరో వరుణ్ ధావన్ మెయిన్ లీడ్ పాత్రలో నటించిన సిటాడెల్: హానీ, బన్నీ వెబ్ సీరీస్ నవంబర్ 9న రిలీజ్ అయ్యింది. ఈ వెబ్ సీరీస్ లో సమంత మరియు వరుణ్ ధావన్ స్పై ఏజెంట్స్ హనీ బన్నీ పాత్రల్లో నటించారు. బాలీవుడ్ ప్రముఖ దర్శకులు రాజ్ అండ్ డీకే దర్శకత్వం వహించారు. యాక్షన్ మరియు స్పై థ్రిల్లర్ బ్యాక్ డ్రాప్ లో తెరకెక్కిన ఈ వెబ్ సీరీస్ అమెజాన్ ప్రైమ్ వీడియోస్ లో ప్రసారమవుతోంది.
ఈ వెబ్ సీరీస్ లో నటించినందుకుగానూ నటి సమంతకి నిర్మాతలు దాదాపుగా రూ.10 కోట్లు రెమ్యునరేషన్ ఇచ్చినట్లు ట్రేడ్ వర్గాలు చెబుతున్నాయి. అయితే ఇప్పటివరకూ వెబ్ సీరీస్ లలో హైయ్యెస్ట్ రెమ్యునరేషన్ అందుకున్న నటీనటులలో నటి సమంత టాప్ లో నిలిచింది. ఇక సమంతతోపాటూ నటించిన వరుణ్ ధావన్ కూడా రూ.8 కోట్లు అందుకున్నట్లు సమాచారం.
ALSO READ : తగ్గేదెలా... హాలీవుడ్ నుంచి టెక్నీషియన్స్ ని దింపుతున్న కన్నడ హీరోలు..
ఈ విషయం ఇలా ఉండగా ప్రస్తుతం నటి సమంత టాలీవుడ్ తో పాటూ బాలీవుడ్ లో కూడా వరుస ఆఫర్లు దక్కించుకుంటోంది. అయితే సిటాడెల్ దర్శకులైన రాజ్ & డీకే తెరకెక్కిస్తున్న "రక్త బ్రహ్మాండ్ - ది బ్లడీ కింకింగ్డమ్" అనే మరో వెబ్ సీరీస్ లో కీలకపాత్రలో నటిస్తోంది. అయితే ఈ వెబ్ సీరీస్ ని ప్రముఖ వెబ్ సీరీస్ నిర్మాణ సంస్థ నెట్ ఫ్లిక్స్ నిర్మిస్తోంది. అయితే వెబ్ సీరీస్ తో సమంత హాలీవుడ్ లోకి అడుగుపెట్టబోతున్నట్లు సమాచారం.
