టాలీవుడ్ స్టార్ హీరోయిన్ సమంత ప్రస్తుతం సినిమాలు, వెబ్ సీరీస్లు అంటూ దూసుకుపోతోంది. ఇటీవలే సమంత నటించిన సిటాడెల్ : హనీ, బన్నీ వెబ్ సీరీస్ రిలీజ్ అయ్యింది. ఈ వెబ్ సీరీస్ ప్రముఖ ఓటీటీ అయిన అమెజాన్ ప్రైమ్ వీడియోస్ లో ప్రసారమవుతోంది.
అయితే ఈ వెబ్ సీరీస్ లో సమంత కి జోడీగా బాలీవుడ్ స్టార్ హీరో వరుణ్ ధావన్ నటించాడు. యాక్షన్ డ్రామా & స్పై థ్రిల్లర్ బ్యాక్ డ్రాప్ లో ప్రముఖ దర్శకులు రాజ్ & డీకే డైరెక్ట్ చేశారు. అయితే ఈ వెబ్ సీరీస్ ప్రమోషన్స్ లో భాగంగా నటి సమంత మాట్లాడుతూ టాలీవుడ్ సినీ ఇండస్ట్రీపై పలు ఆసక్తికర వ్యాఖ్యలు చేసింది.
ఇందులోభాగంగా హోస్ట్ "మంచి కంటెంట్ ఉన్నప్పటికీ సౌత్ సినిమాలు ఇంటర్నేషనల్ వైడ్ పాపులర్ కాకపోవడానికి మరియు గుర్తింపు పొందడానికి ఇంత సమయం ఎందుకు పట్టిందని" ప్రశ్నించింది. దీనిపై సమంత స్పందిస్తూ ఈ విషయం గురించి తానెప్పుడూ ఆలోచించలేదని తెలిపింది. అలాగే సౌత్ దర్శకనిర్మాతలు మంచి సినిమాలు తీసినప్పటికీ వాటిని ప్రమోట్ చేయడంలో విఫలమయ్యారని అందుకే అంతర్జాతీయ స్థాయిలో సౌత్ సినిమాలకి గుర్తింపు లభించడానికి ఇంత సమయం పట్టిందని అభిప్రాయం వ్యక్తం చేసింది.
కానీ డైరెక్టర్ రాజమౌళి మాత్రం బాహుబలి, బాహుబలి 2 చిత్రాలతో సౌత్ సినిమాని ప్రపంచానికి పరిచయం చేసి అంతర్జాతీయ సినిమా రంగంలోకి గేట్లు తెరిచారని, ఈ ఘనత ఆయనకే దక్కుతుందని ప్రశంసించింది. ఇక ప్రస్తుతం సౌత్ ఇండియన్ సినిమాల ట్రెండ్‌ను ప్రస్తావిస్తూ, ఇప్పుడు ఏదీ అసాధ్యం అని నేను అనుకోవడం లేదుని సమంత అన్నారు.
