ఏ మాయ చేసావే సినిమాతో జెస్సీగా తెలుగు పిల్మ్ ఇండస్ట్రీకి ఎంట్రీ ఇచ్చింది సమంత (Samantha). ఆ తర్వాత స్టార్ హీరోలతో సినిమాలు చేసే అవకాశం కూడా సమంతకు దక్కింది. ఆ తర్వాత లేడీ ఓరియంటెడ్ సినిమాలు కూడా చేసింది.
ఇక సమంత చేసిన ఫ్యామిలీ మెన్ సిరీస్ ఎంత పెద్దగా పాపులర్ అయిందో ప్రత్యేకంగా చెప్పాల్సిన అవసరం లేదు. అలాగే సమంత కామెడీ,టైమింగ్ గురించి కూడా ప్రత్యేకంగా చెప్పాల్సిన అవసరం లేదు. ఎన్నోసార్లు తన కామెడీ, టైమింగ్ తో ఆకట్టుకుంది. ఇక రీసెంట్ టైమ్స్ లో సమంత కామెడీ టైమింగ్ కంప్లీట్ గా మారిపోయింది. లేటెస్ట్గా సమంత, వరుణ్ ధావన్ కలిసి నటించిన వెబ్ సిరీస్ 'సిటాడెల్: హనీ బన్నీ'.
Also Read : సందీప్ రెడ్డి వంగా ప్లాన్కి వెయ్యి కోట్ల టార్గెట్ తక్కువే!
ఇవాళ గురువారం (నవంబరు 7) ఓటీటీ ప్లాట్‌ఫామ్‌ అమెజాన్ ప్రైమ్ వీడియోలో స్ట్రీమింగ్ అవుతోంది. ది ఫ్యామిలీ మెన్-2 తర్వాత సమంత నటించిన వెబ్ సిరీస్ సిటాడెల్. ఈ సిరీస్‌లో యాక్షన్ సీన్స్‌తో అదరగొడుతూనే మదర్ క్యారెక్టర్లో ఎమోషనల్కు గురిచేసింది. దాంతో పాటు రొమాంటిక్ సీన్స్ లోను యూత్ని ఆకట్టుకుంది. ఒక్కమాటలో చెప్పాలంటే సమంత సిరీస్ మొత్తాన్ని తన భుజాలపై మోసింది. కానీ, మాకు ఏ మాయ చేసావే జెస్సీగా.. చూడాలని సామ్ ఫ్యాన్స్ సోషల్ మీడియాలో పోస్టులు పెడుతున్నారు. అసలు సామ్ అల్లరి ఎక్కడ? ఆ ఆకాయితనం ఎక్కడ అంటూ ఫ్యాన్స్ చర్చించుకుంటున్నారు.
ఇక సమంత ఫ్యాన్స్ ఆశలు నెరవేరబోయే రోజు దగ్గర్లోనే ఉంది. గతేడాది డిసెంబర్‌‌‌‌‌‌‌‌లోనే ‘ట్రాలాలా మూవింగ్ పిక్చర్స్‌’ (Tralala Moving Pictures)పేరుతో బ్యానర్ ప్రారంభించిన సమంత, ఈ సంస్థలో నిర్మించబోయే మొదటి మూవీ ‘మా ఇంటి బంగారం’.
ఇటీవలే ఈ సినిమా పోస్టర్ రిలీజ్ చేశారు మేకర్స్. ఇందులో సమంతనే లీడ్‌ రోల్ చేస్తోంది. ఈ పోస్టర్ లో సమంత లుక్ చాలా కొత్తగా ఉంది. మేడలో తాలిబొట్టు, చేతిలో గన్, మొహానికి రక్తంతో, వంటగదిలో ఉన్న సామ్ లుక్ సరికొత్తగా ఆకట్టుకుంది. ఇక ఇదే బ్యానర్ లో హీరో ప్రియదర్శితో సామ్ ఓ మూవీ చేసే అవకాశం ఉంది.
