స్టార్ హీరోయిన్ సమంత రూత్ ప్రభు(Samantha Ruth Prabhu) తాజాగా చేసిన పోస్ట్ సోషల్ మీడియాలో వైరల్ అవుతుంది."నువ్వు గెలవడం నేను చూడాలనుకుంటున్నాను..నీ హృదయం ఏదైతే కోరుకుంటుందో, నువ్వు ఏ ఆశలు కలిగి ఉన్నావో,నేను నీ కోసం ప్రార్థిస్తున్నాను..మీరు విజయానికి అర్హులు అంటూ సమంత తన ఇంస్టాగ్రామ్ లో పోస్ట్ పెట్టింది.
మరి ఇంత అర్ధవంతమైన పోస్ట్..ఎవరికోసం చేసిందో..ఎవరి గెలుపు కోరుకుంటుందో మాత్రం వెల్లడించలేదు.దీంతో సమంత ఫ్యాన్స్ ఇటువంటి పదాలు నాగ చైతన్య కోసం చేస్తే బాగుండు అని కొందరు..అతని కోసమే అంటూ మరికొందరు కామెంట్స్ చేస్తున్నారు.
అయితే, ఈ పోస్ట్కి సంబంధించిన న్యూస్ మాత్రం ప్రస్తుతం దేశమంతటా క్రికెట్ ఐపీఎల్ ఫీవర్ నడుస్తున్న విషయం తెలిసిందే. ఈరోజు ఐపీఎల్ లో రాజస్థాన్ వర్సెస్ బెంగళూరు మ్యాచ్ జరుగుతుంది.అయితే సామ్ పెట్టిన పోస్ట్ బెంగళూరు జట్టును ఉద్దేశించి పెట్టిందేమో అనుకుని ఆ జట్టు అభిమానులు సమంత చేసిన పోస్ట్ కి సోషల్ మీడియాలో కామెంట్స్ పెడుతున్నారు.
నిజానికి ఈ ఐపీఎల్ సీజన్లో ఎవరూ ఊహించని విధంగా రాయల్ చాలెంజర్స్ బెంగళూరు(RCB) జట్టు ప్లే ఆఫ్స్ కి చేరుకోగా..ఇక సమంత ఆ జట్టుకే సపోర్ట్ చేస్తోందేమో అని ఆ జట్టు ఫ్యాన్స్ నెట్టింట్లో తెగ కామెంట్లు పెడుతున్నారు.
సమంత ఇంతకుముందు చాలా ఇంటర్వ్యూలలో విరాట్ కోహ్లీని ప్రశంసించింది. ఆమె కోహ్లీ పై ప్రశంసలు కురించడంతో ఇప్పుడు సామ్ చేసిన పోస్ట్ ఆర్ సీబీ విన్ కోసమే అంటూ ఫ్యాన్స్ కామెంట్స్ చేస్తున్నారు.అయితే, మరికొందరు మాత్రం ఈ పోస్ట్ ఖచ్చితంగా తన పర్సనల్ విషయానికి సంబంధించినదని అంటున్నారు. మరి సమంత చెబితే తప్ప..ఈ పోస్ట్ కి అర్ధం తెలిసేలా లేదే.
సమంత సినిమాల విషయానికి వస్తే..చివరగా గతేడాది సెప్టెంబర్‌లో విజయ్ దేవరకొండ హీరోగా చేసిన ఖుషి మూవీలో కనిపించారు.ఆమె నటించిన సిటాడెల్:హనీబన్నీ వెబ్ సిరీస్ అమెజాన్ ప్రైమ్ వీడియోలో స్ట్రీమింగ్‍కు రావాల్సి ఉంది.ప్రస్తుతం సమంత నటిస్తూ నిర్మిస్తున్న చిత్రం 'మా ఇంటి బంగారం.'త్వరలోనే రిలీజ్ కానుంది.
