టాలీవుడ్ టాలెంటెడ్ డైరెక్టర్ సంపత్ నంది(Sampath Nandi) నిర్మాతగా మారి చేసిన మొదటి సినిమా ఓదెల రైల్వే స్టేషన్(Odela Railway station). 2022 లో వచ్చిన ఈ సినిమాలో కుమారి 21F ఫేమ్ హెబ్బా పటేల్(Hebba patel) హీరోయిన్ గా నటించగా దర్శకుడు అశోక్ తేజ(Ashoke teja) తెరకెక్కించాడు. రూరల్ బ్యాక్డ్రాప్ లో జరిగే క్రైం థ్రిల్లర్ గా వచ్చిన ఈ సినిమా మంచి విజయాన్ని సాధించింది. ప్రముఖ ఓటీటీ సంస్థ ఆహాలో మంచి వ్యూస్ దక్కించుకుంది. ఇక దాదాపు ఏడాదిన్నర గ్యాప్ తరువాత ఈ సినిమాకు సీక్వెల్ తెరకెక్కిస్తున్నారు మేకర్స్.
ఓదెల2గా వస్తున్న ఈ సినిమాకు కూడా కథ, కథనంతో పాటు నిర్మాతగా వ్యవహరిస్తున్నారు సంపత్ నంది. ఈ సీక్వెల్ ని కూడా మొదటి పార్ట్ ను తెరకెక్కించిన దర్శకుడు అశోక్ తేజనే తెరకెక్కిస్తున్నారు. ఈ సినిమా ఈరోజు(మార్చ్ 1) లాంఛనంగా మొదలయింది. ఇక్కడ మరో విశేషం ఏంటంటే.. మొదటి పార్ట్ లో హెబ్బా పటేల్ తన గ్లామర్ తో మెప్పించగా.. పార్ట్ లో ఆ భాద్యత మిల్కీ బ్యూటీ తమన్నా తీసుకున్నారు. తమన్నా ప్రధాన పాత్రలో వస్తున్న ఈ సినిమా రెగ్యులర్ షూట్ త్వరలోనే మొదలుకానున్నట్లు ప్రకటించారు మేకర్స్.
ALSO READ :- బెంగళూరు రామేశ్వరం కేఫ్లో పేలుడు..ఐదుగురికి తీవ్రగాయాలు
ఓదెల పార్ట్ 2 ఓపెనింగ్ సంబందించిన ఫోటొలను సోషల్ మీడియాలో షేర్ చేశాడు సంపత్ నంది. ప్రస్తుతం దేనికి సంబందించిన ఫోటోలు నెట్టింట వైరల్ అవుతున్నాయి. ఇక ఈ సినిమాకు కాంతారా, విరూపాక్ష, మంగళవారం వంటి సూపర్ హిట్ సినిమాలకు అద్భుతమైన సంగీతాన్ని అందించిన అంజనీష్ లోకనాథ్ సంగీతం అందించనున్నాడు. దీంతో ఈ సినిమాపై మంచి హైప్ క్రియేట్ అవుతోంది.
