సందీప్ కిషన్ హీరోగా ఓ క్రేజీ ప్రాజెక్టును అనౌన్స్ చేశారు. కోలీవుడ్ స్టార్ హీరో విజయ్ కొడుకు జాసన్ సంజయ్ దర్శకత్వంలో సందీప్ కిషన్ హీరోగా సినిమా రూపొందిస్తున్నట్టు శుక్రవారం ప్రకటించారు. లైకా ప్రొడక్షన్స్ సంస్థ ఈ చిత్రాన్ని నిర్మించనుంది. ఈ సందర్భంగా లైకా ప్రొడక్షన్స్ హెడ్ జికెఎం త‌‌మిళ్ కుమ‌‌ర‌‌న్ మాట్లాడుతూ ‘ఈ చిత్రంతో జాసన్ సంజయ్‌‌ను ద‌‌ర్శకుడిగా ప‌‌రిచ‌‌యం చేస్తున్నాం. ఆయ‌‌న తెర‌‌కెక్కించబోతున్న క‌‌థ, ఆయ‌‌న నెరేష‌‌న్ విన్నప్పుడు డిఫ‌‌రెంట్‌‌గా అనిపించింది.
అన్నింటికంటే ముఖ్యంగా, పాన్-ఇండియా దృష్టిని ఆకర్షించే ప్రధాన‌‌మైన పాయింట్‌ ఉంది. మ‌‌నం ఎక్కడ పోగొట్టుకున్నామో అక్కడే వెత‌‌కాలి అనే పదాన్ని చాలా సంద‌‌ర్భాల్లో వినే ఉంటాం. అదే పాయింట్‌‌తో ఈ చిత్రం తెరకెక్కబోతోంది. తెలుగు, త‌‌మిళ భాష‌‌ల్లో సుప‌‌రిచితుడైన సందీప్ కిషన్ ఇందులో హీరోగా న‌‌టిస్తున్నారు.
ఈ సరికొత్త కాంబో ప్రేక్షకుల‌‌కు సరికొత్త అనుభ‌‌వాన్నిస్తుంద‌‌ని మేం భావిస్తున్నాం. జనవరి నుంచి రెగ్యులర్ షూటింగ్ స్టార్ట్ చేస్తున్నాం’ అని అన్నారు. తమన్ సంగీతం అందిస్తున్న ఈ చిత్రంలోని ఇతర న‌‌టీన‌‌టులు, సాంకేతిక నిపుణులను త్వరలోనే ప్రకటిస్తామన్నారు.
