అంతర్జాతీయ క్రికెట్ లోనైనా.. ఐపీఎల్ లోనైనా టీమిండియా స్టార్ బ్యాటర్ విరాట్ కోహ్లీకి తిరుగులేదు. బౌలర్ ఎవరైనా, ప్రత్యర్థి ఎవరైనా కోహ్లీకి సంబంధం లేదు. పరుగుల వరద పారిస్తూ బౌలర్లకు చుక్కలు చూపిస్తాడు. ప్రస్తుత ఐపీఎల్ సీజన్ లోనూ కోహ్లీ హవా నడుస్తుంది. నిలకడగా ఆడుతూ తన పరుగుల ప్రవాహాన్ని కొనసాగిస్తున్నాడు. ఇప్పటివరకు ఆడిన 14 మ్యాచ్ ల్లో 64 యావరేజ్ తో 708 పరుగులు చేసి అత్యధిక పరుగులు చేసిన ఆటగాళ్ల లిస్టులో టాప్ లో నిలిచాడు.
బెంగళూరు జట్టు వరుస విజయాలు సాధించడంలో కీలక పాత్ర పోస్తుంచాడు. ఒంటి చేత్తో జట్టుకు విజయాలను అందిస్తూ ప్లే ఆఫ్స్ వరకు తీసుకెళ్లాడు. ప్లే ఆఫ్స్ లో భాగంగా బుధవారం (మే 22) ఎలిమినేటర్ మ్యాచ్ జరగనుంది. రాజస్థాన్ రాయల్స్ తో రాయల్ ఛాలెంజర్స్ బెంగళూరు జట్టు అమీతుమీ తేల్చుకోనుంది. అహ్మదాబాద్ లోని నరేంద్ర మోడీ స్టేడియం ఈ మ్యాచ్ కు ఆతిధ్యమిస్తుంది. ఈ మ్యాచ్ లో ఆర్సీబీ ఫేవరేట్ గా బరిలోకి దిగుతుంది. ఫ్యాన్స్ అందరూ కోహ్లీపైనే ఆశలు పెట్టుకున్నారు. అయితే ఈ మ్యాచ్ కు ముందు కోహ్లీని ఒక రికార్డ్ కలవరపెడుతుంది.
రాజస్థాన్ జట్టు పేస్ బౌలర్ సందీప్ శర్మకు కోహ్లీపై అద్భుతమైన రికార్డ్ కలిగి ఉన్నాడు. ప్రపంచ బౌలర్లను వణికించే కోహ్లీ.. తరచూ సందీప్ బౌలింగ్ లో ఔట్ అవుతూ వస్తున్నాడు. ఐపీఎల్ ఇప్పటివరకు 12 ఇన్నింగ్స్ ల్లో 7 సార్లు కోహ్లీ వికెట్ ను సందీప్ పడగొట్టాడు. 9 యావరేజ్ తో కేవలం 69 పరుగులు మాత్రమే చేయగలిగాడు. దీంతో ఈ చెత్త రికార్డ్ ఇప్పుడు కోహ్లీ ఫ్యాన్స్ ను కలవరపెడుతుంది. సందీప్ శర్మ పవర్ ప్లే లో బౌలింగ్ వేయడం.. కోహ్లీ ఓపెనింగ్ కు రావడంతో వీరి మధ్య వార్ నేడు చూడొచ్చు. మరి ఇద్దరిలో ఎవరు పై చేయి సాధిస్తారో చూడాలి.
Virat Kohli vs Sandeep Sharma pic.twitter.com/8byRjdLlaH
— RVCJ Media (@RVCJ_FB) October 31, 2020
