- కోరుట్ల బీఆర్ఎస్ అభ్యర్థి డాక్టర్ కల్వకుంట్ల సంజయ్
కోరుట్ల, మల్లాపూర్, వెలుగు : కేసీఆర్ నాయకత్వంలోనే తెలంగాణ అభివృద్ధి సాధ్యమని, తనను ఎమ్మెల్యేగా గెలిపిస్తే కోరుట్ల నియోజకవర్గాన్ని మరింత అభివృద్ధి చేస్తానని బీఆర్ఎస్ అభ్యర్థి డాక్టర్కల్వకుంట్ల సంజయ్ అన్నారు. సోమవారం కోరుట్లలోని బిలాల్పురా, ఐబీ రోడ్డు, గడి గురుజు మార్కెట్, అంబేద్కర్‌‌‌‌‌‌‌‌నగర్‌, బాబు జగ్జీవన్ రాం విగ్రహం, హాజీపురా ఉర్దూగర్ వద్ద కార్నర్ మీటింగ్‌‌‌‌లో ఎమ్మెల్యే విద్యాసాగర్‌‌‌‌‌‌‌‌రావుతో కలిసి సంజయ్ పాల్గొన్నారు. ఆయన మాట్లాడుతూ ఎలక్షన్ టైంలో ఓట్ల కోసం వచ్చే వారి మాటలు నమ్మొద్దని, అందుబాటులో ఉండి సమస్యలను తీర్చేవారిని ఎన్నుకోవాలన్నారు.
బీఆర్ఎస్ ప్రభుత్వం ప్రజలకు తాగునీటి సమస్య తీర్చిందన్నారు. కల్యాణలక్ష్మి, షాదీ ముబారక్ , ఆసరా పెన్షన్లు, బీడీ కార్మికులకు జీవనభృతి అందజేస్తోందన్నారు. ఎంపీగా గెలిచిన అర్వింద్ కోరుట్ల నియోజకవర్గానికి ఏం అభివృద్ధి చేశాడని ప్రశ్నించారు. ఎమ్మెల్యే విద్యాసాగర్రావు మాట్లాడుతూ.. కోరుట్ల నియోజకవర్గంలో అభివృద్ధి పనులన్నీ పూర్తి చేశామన్నారు.
తన కొడుకు సంజయ్ను గెలిపిస్తే తన కంటే రెండింతలు అభివృద్ధి చేస్తాడని హామీ ఇచ్చారు. ఈ సందర్భంగా కార్యకర్తలు సంజయ్ను గజమాలతో సన్మానించారు. అంతకు ముందు పార్టీ శ్రేణులు భారీ ర్యాలీ చేపట్టారు. ఈ కార్యక్రమంలో మున్సిపల్ చైర్పర్సన్ లావణ్య, కౌన్సిలర్లు , లీడర్లు పాల్గొన్నారు.
ALSO READ : ఎమ్మెల్యే గువ్వల దిష్టిబొమ్మ దహనం
అభివృద్ధి వైపు నిలబడండి
నియోజకవర్గంలోని ప్రతి గ్రామంలో అభివృద్ధి చేశానని, ఓటేసి అభివృద్ధికి అండగా నిలబడి సంజయ్ను గెలిపించాలని ఎమ్మెల్యే విద్యాసాగర్ రావు అన్నారు. సోమవారం మల్లాపూర్ మండలం లోని పలు గ్రామాల్లో ఆయన ఎన్నికల ప్రచారం నిర్వహించారు. ఈ సందర్భంగా ఎమ్మెల్యే మాట్లాడుతూ ఇండ్లు లేని పేదలకు గృహలక్ష్మి పథకం వర్తింపజేస్తామని హామీ ఇచ్చారు. కార్యక్రమంలో సర్పంచ్ లక్ష్మీ , ఎంపీటీసీ ముత్తమ్మ , జడ్పీటీసీ శ్రీనివాస్ రెడ్డి , ఎంపీపీ సరోజన, లీడర్లు మల్లయ్య , ఆదిరెడ్డి, మహిపల్, గంగారెడ్డి పాల్గొన్నారు.
