టీం ఇండియాలో స్థానం కోసం చాలాకాలంగా ఎదురుచూస్తున్న సంజూ శాంసన్‌కి ఐర్లాండ్ క్రికెట్ బోర్డ్ వాళ్ల దేశం తరుపున ఆడే అవకాశం ఇచ్చింది. అయితే, ఈ ఆఫర్‌‌ను సంజూ తిరస్కరించాడు. ‘అవకాశాలు వచ్చినా, రాకపోయినా నా దేశం తరుపునే ఆడతాన’ని జవాబు చెప్పాడు.
2015లో అంతర్జాతీయ క్రికెట్‌లో అరంగ్రేటం చేసిన సంజూకి ఇప్పటి వరకు సరైన చాన్స్‌లు రాలేదు. అవకాశాలు ఇచ్చిన ప్రతీసారి తన సత్తా చాటినా మొండి చేయే ఎదురవుతూ వస్తుంది. తాజాగా జరిగిన ఆసియా కప్‌, టీ20 ప్రపంచకప్‌, బంగ్లాదేశ్‌ టూర్లకు సంజూని ఎంపిక చేయకపోవడం వివాదాస్పదం అయింది. ఇటు సంజూ ఫ్యాన్స్‌, అటు క్రికెట్ ఎక్స్‌పర్ట్స్‌ బీసీసీఐ సెలక్టర్లపై ఆగ్రహం వ్యక్తం చేస్తున్నారు.
